وائی آر ایف اسپائی یونیورس کی اگلی فلم’’الفا‘‘ ہے، جس میں عالیہ بھٹ اور شرواری واگھ مرکزی خواتین کرداروں میں نظر آئیں گی۔ یہ ایک خواتین جاسوسی فلم ہے، جس سے شائقین کو کافی امیدیں وابستہ ہیں کیونکہ اس یونیورس کی پچھلی فلمیں باکس آفس پر خاص کمائی نہیں کر سکیں۔

اس سال کے آغاز میں کئی بڑی فلمیں سنیما گھروں میں ریلیز ہو چکی ہیں جبکہ کچھ آنے والے مہینوں میں ریلیز ہوں گی۔ اس فہرست میں عالیہ بھٹ اور شرواری واگھ کی ’’الفا‘‘ بھی شامل ہے، جو پہلے ہی دو بار ملتوی ہو چکی ہے۔ جی ہاں، اس فلم کو اپریل میں ریلیز کرنے کی تیاری تھی، لیکن ایسا ممکن نہ ہو سکا۔ اب فلم کب ریلیز ہوگی، اس بارے میں ابھی تک کوئی باضابطہ اعلان نہیں کیا گیا۔ تاہم، حال ہی میں جیسے ہی سمے رائنا کے شو ’’انڈیاز گاٹ لیٹنٹ‘‘ سیزن ۲؍ سے عالیہ اور شرواری کی تصاویر سامنے آئیں، دونوں ایک بار پھر خبروں میں آ گئیں۔ کئی دنوں سے یہ افواہیں بھی چل رہی تھیں کہ اس ہفتے ’’الفا‘‘کی پہلی جھلک جاری کی جائے گی، مگر اب پوری حقیقت سامنے آ چکی ہے۔
وائی آر ایف  اسپائی یونیورس کی یہ پہلی خواتین جاسوسی فلم ہے۔ عالیہ اور شرواری اس فلم میں مرکزی کردار ادا کر رہی ہیں جبکہ ان کے مقابل ویلن کے کردار میں بوبی دیول نظر آئیں گے، جن کا فلم سے ایک لک پہلے ہی سامنے آ چکا ہے۔ دراصل وائی آر ایف کی پچھلی دو فلمیں ’’وار ۲‘‘ اور’’ٹائیگر ۳‘‘ تھیں، جو باکس آفس پر کوئی خاص کامیابی حاصل نہیں کر سکیں۔ اب’’الفا‘‘ سے کافی توقعات وابستہ کی جا رہی ہیں۔ اب سوال یہ ہے کہ کیا فلم کی پہلی جھلک آئے گی یا نہیں؟

یہ بھی پڑھئے:فرحانہ بھٹ کو اپنے خوابوں کو پورا کرنے کے لیے بھاری قیمت ادا کرنی پڑی ہے

’’الفا‘‘ کی پہلی جھلک کب آئے گی؟
حال ہی میں ایک نیوز ویب سائٹ کی رپورٹ سے معلوم ہوا کہ اس ہفتے ’’الفا‘‘ کی کوئی پہلی جھلک ریلیز نہیں ہونے جا رہی۔ میکرز کی جانب سے کسی سرپرائز ریویل کے حوالے سے آن لائن چلنے والی تمام افواہیں غلط ہیں۔ دراصل سمے رائنا کے شو کی تصاویر سامنے آنے کے بعد لوگوں نے خود ہی قیاس آرائیاں شروع کر دی تھیں۔ لوگ تبصرے کرتے ہوئے کہہ رہے تھے کہ عالیہ اور شرواری نے’’الفا‘‘ کی پروموشن شروع کر دی ہے، لیکن فی الحال ایسا کچھ بھی نہیں ہو رہا۔ ہندی سنیما کی سب سے معتبر ایکشن فرنچائزز میں سے ایک میں عالیہ مرکزی کردار ادا کر رہی ہیں، اسی لیے لوگوں میں فلم کے لیے زبردست جوش پایا جا رہا ہے۔ شائقین فلم کے فرسٹ لک، ٹیزر اسٹریٹیجی اور پروموشنل پلان کے حوالے سے کافی پُرجوش ہیں۔

یہ بھی پڑھئے:فرحانہ بھٹ کو اپنے خوابوں کو پورا کرنے کے لیے بھاری قیمت ادا کرنی پڑی ہے

 فلم’’الفا‘‘ کو۱۰؍ جولائی ۲۰۲۶ء کے لیے شیڈول کیا گیا ہے۔ فلم کی کہانی کے بارے میں ابھی تک کوئی خاص معلومات سامنے نہیں آئی ہیں۔ اس کے بعد اگلے سال عالیہ کی فلم’’لو اینڈ وار‘‘ بھی ریلیز ہوگی، جس کا شائقین بے صبری سے انتظار کر رہے ہیں۔ دوسری جانب شرواری بھی مسلسل مختلف پروجیکٹس پر کام کر رہی ہیں۔ اب دیکھنا یہ ہوگا کہ میکرز فلم کی پہلی جھلک کب جاری کرتے ہیں اور شائقین کے لیے نیا اپڈیٹ کب سامنے آتا ہے۔