بالی ووڈ اداکار پرشانت نارائن نے ایک حالیہ انٹرویو میں کارتک آرین کو ’’ بدترین اداکاروں میں سے ایک‘‘ قرار دیا۔ بیان کے بعد سوشل میڈیا پر شدید بحث چھڑ گئی، جہاں مداحوں اور ناقدین نے مختلف آراء کا اظہار کیا۔

بالی ووڈ میں ایک نیا تنازع اس وقت کھڑا ہوا جب تجربہ کار اداکار پرشانت نارائن نے ایک انٹرویو کے دوران کارتک آرین کی اداکاری پر سخت تنقید کی۔ یہ بیان انہوں نے ایک پوڈکاسٹ گفتگو میں دیا۔ پرشانت نارائن نے کہا کہ کارتک آرین ’’ہمارے ہاں موجود سب سے بدترین اداکاروں میں سے ایک ہیں، مگر خوش قسمت ہیں۔‘‘ ان کا کہنا تھا کہ کارتک اداکاری میں مطلوبہ گہرائی نہیں دکھا پاتے اور اکثر اپنے گرد موجود افراد کے زیرِ اثر نظر آتے ہیں۔ انہوں نے یہ بھی کہا کہ کارتک کی پہلی فلم ’’پیار کا پنچ نامہ‘‘ میں کچھ صلاحیت نظر آئی، مگر بعد کے کام میں تسلسل دکھائی نہیں دیا۔خیال رہے کہ کارتک آرین اس وقت بالی ووڈ کے نمایاں اداکاروں میں شمار ہوتے ہیں۔ ان کی فلم ’’بھول بھلیاں ۲‘‘ نے باکس آفس پر بڑی کامیابی حاصل کی جبکہ حالیہ فلم ’’چندو چیمپئن‘‘ میں ان کی اداکاری کو کئی ناقدین نے سراہا۔ ایسے میں ایک سینئر اداکار کی جانب سے سخت تنقید نے انڈسٹری میں بحث چھیڑ دی ہے۔

Prashant Narayan cooked kartik Aryan 💀

- "He is a terrible actor"
- "People are laughing at him"
- "He is surviving because blessings of his parents"

Bro hesitate, itna khul k kaun pelta hai bhai 😭 pic.twitter.com/dKO7zxklpX

— lakshman (@rebel_notout) February 14, 2026

بیان کے بعد انسٹاگرام، ریڈٹ اور دیگر پلیٹ فارمز پر ملا جلا ردعمل سامنے آیا۔ بیشتر صارفین نے پرشانت نارائن کی رائے سے اتفاق کرتے ہوئے کہا کہ کارتک کی کامیابی زیادہ تر مارکیٹنگ پر مبنی ہے۔ دوسری جانب مداحوں نے دفاع کرتے ہوئے کہا کہ کارتک نے مسلسل ہٹ فلمیں دے کر اپنی جگہ خود بنائی ہے اور ان کی محنت کو نظرانداز نہیں کیا جا سکتا۔ ایک صارف نے لکھا، ’’کامیابی صرف قسمت نہیں، مسلسل محنت کا نتیجہ ہوتی ہے۔‘‘ جبکہ دوسرے نے تبصرہ کیا، ’’بالی ووڈ میں اداکاری کے معیار پر کھلی بحث ہونی چاہیے۔‘‘

یہ بھی پڑھئے: جانی واکر کی مقبولیت کا یہ عالم تھا کہ فلمساز اُن پر نغمہ فلمانے کی شرط رکھنے لگے تھے

یہ واقعہ بالی ووڈ میں فن بمقابلہ باکس آفس کی بحث کو دوبارہ زندہ کر رہا ہے۔ سوال یہ اٹھایا جا رہا ہے کہ کیا تجارتی کامیابی اداکاری کی مہارت کا پیمانہ ہے یا نہیں۔ فی الحال کارتک آرین کی جانب سے اس بیان پر کوئی باضابطہ ردعمل سامنے نہیں آیا۔ تاہم یہ معاملہ سوشل میڈیا اور فلمی حلقوں میں زیرِ بحث ہے اور آئندہ دنوں میں مزید ردعمل سامنے آسکتا ہے۔