تجربہ کار اسکرین رائٹر پریاگ راج، جو امیتابھ بچن کی بلاک بسٹر فلموں ’امر اکبر انتھونی’، ’نصیب’ اور ’قلی‘ کیلئے مشہور ہیں، بیماری کی وجہ سے انتقال کر گئے۔

تجربہ کار اسکرین رائٹر پریاگ راج، جو امیتابھ بچن کی بلاک بسٹر فلموں ’امر اکبر انتھونی’، ’نصیب’ اور ’قلی‘ کیلئے مشہور ہیں، بیماری کی وجہ سے انتقال کر گئے۔ وہ ۸۸؍ برس کے تھے۔ ان کے بیٹے آدتیہ کے مطابق، مصنف کا سنیچر کی شام ان کی باندرہ رہائش گاہ پر انتقال ہو گیا۔انہوں نے سنیچر کو شام۴؍ بجے باندرہ میں اپنی رہائش گاہ پرآخری سانس لی تھی۔وہ۱۰؍ سال سے متعدد بیماریوں میں مبتلا تھے۔ پریاگ راج، جنہوں نے بچن کی ’نصیب‘، ’سہاگ‘ اور’قلی‘ اور ’مرد‘ کی کہانی لکھی تھی۔انہوں نے راجیش کھنہ کی فلم ’روٹی’، دھرمیندر-جیتندر کی ’دھرم ویر‘ اور’امر اکبر انتھونی‘ کے اسکرین پلے میں تعاون کرنے کے علاوہ امیتابھ بچن، رجنی کانت اور کمل ہاسن کی اداکاری والی فلم’گرفتار‘ بھی لکھی۔پریاگ راج کی آخری رسومات اتوار کی صبح دادر کے شیواجی پارک میں ادا کی گئیں اور اس میں فیملی اور انڈسٹری سے تعلق رکھنے والے ان کے دوستوں نے شرکت کی۔ امیتابھ بچن نے اپنے ذاتی بلاگ پر ان کوخراج عقیدت پیش کیا۔