دہلی ہائی کورٹ نے راجپال یادو کو سات چیک باؤنس کے الگ الگ مقدمات میں تین تین مہینے کی قید کی سزا سنائی ہے۔ تاہم یہ تمام سزائیں ایک ساتھ چلیں گی، جس کا مطلب ہے کہ انہیں کل ملا کر تین مہینے ہی جیل میں گزارنے ہوں گے۔

دہلی ہائی کورٹ نے راجپال یادو کو سات چیک باؤنس کے الگ الگ مقدمات میں تین تین مہینے کی قید کی سزا سنائی ہے۔ تاہم یہ تمام سزائیں ایک ساتھ چلیں گی، جس کا مطلب ہے کہ انہیں کل ملا کر تین مہینے ہی جیل میں گزارنے ہوں گے۔ جسٹس سوارانا کانتا شرما کی قیادت والی بنچ نے یہ حکم جاری کیا۔ عدالت نے راجپال یادو کو ہر مقدمے میں شکایت کنندہ کو ایک کروڑ پانچ لاکھ روپے ادا کرنے کا حکم بھی دیا۔ اس کے علاوہ انہیں ایک لاکھ چار ہزار روپے، ۷۵؍ ہزار روپے اضافی رقم اور ریاست کو۲۵؍ ہزار روپے بھی ادا کرنے کی ہدایت کی گئی۔

یہ بھی پڑھئے: ۳۴؍ فنکاروں والی ’’ویلکم ٹو دی جنگل‘‘ کیوں بنی؟ فرہاد سامجی نے وجہ بتائی

ہائی کورٹ نے۲؍ اپریل کو اپنا فیصلہ محفوظ کر لیا تھا۔ سماعت کے دوران عدالت نے دونوں فریقین کے درمیان صلح کرانے کی کوشش کی لیکن یہ کوشش ناکام ثابت ہوئی۔ قابل ذکر ہے کہ۱۶؍ فروری کو عدالت نے راجپال یادو کو۱۸؍ مارچ تک عبوری ضمانت پر رہا کرنے کا حکم دیا تھا۔ اس سے قبل۵؍ فروری کو ہائی کورٹ نے انہیں کوئی راحت دینے سے انکار کر دیا تھا اور انہیں فوری طور پر خودسپردگی کرنے کی ہدایت دی تھی جس کے بعد انہوں نے خودسپردگی کر دی تھی اور انہیں جیل بھیج دیا گیا تھا۔ 
راجپال یادو کو کرکڑڈوما کورٹ نے چیک باؤنس کیس میں قصوروار ٹھہرایا تھا اور سزا سنائی تھی۔ تاہم، جون۲۰۲۴ء میں، ہائی کورٹ نے سزا کو معطل کر دیا، یہ اس بنیاد پر کہ یادو چونکہ عادی مجرم نہیں تھا، اس لئے اس کی سزا کو معطل کیا جا رہا ہے۔ قابل ذکر بات یہ ہے کہ ککڑڈوما کورٹ نے راجپال یادو کو چیک باؤنس کیس میں مجرم قرار دینے کے بعد ان پر۱ء۶؍ کروڑ روپے کا جرمانہ عائد کیا تھا۔ عدالت نے ان کی بیوی رادھا پر فی کیس۱۰؍ لاکھ روپے کا جرمانہ بھی عائد کیا۔ دونوں کو سات چیک باؤنس کیسوں کے سلسلے میں سزا سنائی گئی تھی۔

یہ بھی پڑھئے: ’’فوجی‘‘ کے سیٹ پر حادثہ، راجیش شرما اسپتال میں، اکشے کمار نے صحت یابی کی دعا کی

شکایت کنندہ، مرلی پروجیکٹس پرائیویٹ لمیٹڈ نے عدالت کو مطلع کیا کہ راجپال نے اپریل۲۰۱۰ء میں فلم’’ اتہ پتہ لاپتہ‘‘ کو مکمل کرنے کیلئے کمپنی سے مالی مدد مانگی تھی۔ دونوں جماعتوں کے درمیان۳۰؍ مئی۲۰۱۰ءکو ایک معاہدے پر دستخط ہوئے اور راجپال یادو کی کمپنی کو۵؍ کروڑ کا قرض دیا گیا۔ معاہدے کے تحت راجپال کو سود سمیت آٹھ کروڑ روپے واپس کرنے تھے۔ تاہم، وہ ابتدائی طور پر رقم ادا کرنے میں ناکام رہا۔ اس کے بعد دونوں فریقوں کے درمیان تین بار معاہدے کی تجدید ہوئی۔ ۹؍ اگست ۲۰۱۲ء کے حتمی معاہدے میں، ملزم راجپال یادو نے شکایت کنندہ کوکچھ رقم واپس کرنے پر رضامندی ظاہر کی۔ راجپال یادو کی کمپنی بھی یہ ادائیگی کرنے میں ناکام رہی۔ 
اپنے دفاع میں راجپال یادو نے عدالت کو بتایا کہ اس نے مرلی پروجیکٹس پرائیویٹ لمیٹڈ سے کوئی رقم ادھار نہیں لی تھی۔ اس کے بجائے، اس نے کمپنی میں فنڈز لگانے کا دعویٰ کیا۔ تاہم، ککڑڈوما کورٹ نے ان کی دلیل کو مسترد کر دیا اور انہیں چیک باؤنس کے جرم کا مجرم قرار دیا۔