بالی ووڈ میں کپور خاندان کی چوتھی نسل  کی قیادت کرنے والے اداکار رنبیر کپور کی پیدائش ۲۸؍ ستمبر ۱۹۸۲ء کو ہوئی۔رنبیر نےبالی ووڈ میں اپنے  آباؤ اجداد کا نام روشن کیا۔

بالی ووڈ میں کپور خاندان کی چوتھی نسل  کی قیادت کرنے والے اداکار رنبیر کپور کی پیدائش ۲۸؍ ستمبر ۱۹۸۲ء کو ہوئی۔رنبیر نےبالی ووڈ میں اپنے  آباؤ اجداد کا نام روشن کیا۔ ۳۱؍ سالہ رنبیر کے پردادا پرتھوی راج کپور، دادا راج کپور اور معروف بالی ووڈ اداکار رشی کپور ان کے والد اور اداکارہ نیتو کپور ان کی والدہ ہیں۔
 اگرہم رنبیرکے اب تک کے فلمی کیرئیرپرنظر ڈالیں تورنبیر نے اپنے کرئیر کاآغاز۲۰۰۷ءمیں فلم ’ساوریا‘سےکیاہے جس میں انھوں نے ایک ایسے کردار کو مجسم کیا ہے جو اپنی زندگی کو کھل کر جینا پسند کرتا ہے، جس چیز کو پسند کرتا ہے اس کے بارے میں بات کرتا ہے، وہ بتاتا ہے کہ اسے جو برا  لگتا ہے اس کے بارے میں  بولنے سے  وہ ہچکچاتا نہیں ہے۔ وہ عاشق جو اپنی محبت کا کھل کر اظہار کرنے سے نہیں ڈرتا لیکن ساتھ ہی اپنی محبت کو بدنام ہونے سے بچانے کے لیے ہر طرح کا خیال رکھتا ہے۔
 اس فلم کے بعدرنبیرنے۲۰۰۸ءمیںفلم ’بچنا اے حسینو‘میں نہ صرف نوجوانوں میں اہم مقام بنایا بلکہ انہوں نے لڑکیوں کے دلوں کو بھی دھڑکائے بغیر نہیں چھوڑا۔ اس فلم کے بعد رنبیر نے فلم’لک بائی چانس‘ میں مزاحیہ کردار ادا کرنے میں کوئی ہچکچاہٹ محسوس نہیں کی۔ فلم ’ویک اپ سڈ‘ سے رنبیر کالج جانے والے لڑکوں اور لڑکیوں کے لیے رول ماڈل بن گئے۔اس کے بعد۲۰۰۹ءمیں ریلیز ہونے والی ’عجب پریم کی غضب کہانی‘ میں رنبیر ہیپی کلب کے صدر کے طور پر کول اور معصوم نظر آئے، جو فلم کی ہیروئن جینی (کیٹرینہ کیف) کا دل جیتنے میں کامیاب نہ ہو سکے۔ اس فلم کے لیے رنبیر کو ایک بار پھر بہترین اداکار کے طور پر نامزد کیا گیا تھا۔۲۰۰۹ء ہی میں فلم ’راکٹ سنگھ: سیلز مین آف دی ایئر‘ میں رنبیر نے ایک کم عقل لیکن اپنے مسائل کو قسمت کہنے کے بجائے لڑنے کی صلاحیت رکھنےنوجوان کا کردار ادا کیا تھا۔رنبیر کو’ویک اپ سڈ‘،’عجب پریم کی غضب کہانی‘ اور’راکٹ سنگھ‘میں ان کی اداکاری کے لیے لگاتار فلم فیئر کریٹکس ایوارڈ سے نوازا گیا۔ اس وقت تو جیسے سبھی کے لبوں پر صرف رنبیر کپور کا ہی نام چڑھا ہوا تھا۔
 اس سب کے درمیان رنبیر کے راک اسٹار رول کو کیسے بھلایا جا سکتا ہے؟’راک اسٹار‘ میں رنبیر نے ثابت کیا کہ ان کا کوئی ثانی  نہیں ہے۔ رنبیر جتنے جذبے سے اداکاری کرتےہیں اتنا ہی جذبہ رکھنے والے عاشق بھی ہیں، جسے اپنی منزل حاصل کرنے سے کوئی نہیں روک سکتا۔رنبیر کی فلم ’برفی‘میں رنبیر نہیں بلکہ ان کی اداکاری کا بول بالا رہا۔ کہا جاتا ہے کہ بہت سے لوگوں کوکچھ چیزیں  وارث میں ملی ہوتی  ہیں۔ رنبیر کو دیکھ کر کچھ  ایسا ہی  لگتا ہے جیسے انہیں اداکاری ورثے میں ملی ہے۔ویسے بھی بالی ووڈ میں بہت کم اداکار ایسے ہیں جو اپنے والدین کے انڈسٹری میں ہونے کے بعد بھی اپنی الگ پہچان بنانے میں کامیاب رہے ہیں۔ لیکن رنبیر وہ شخص ہے جس نے نہ صرف اپنے والدین کو عزت دی بلکہ یہ بھی ثابت کیا کہ کپور خاندان میں اداکاری کوٹ کوٹ کر رچی بسی ہوئی ہے۔ یہاں تک کہ ان کے ہم عصر اداکار بھی اتنے اچھے مقام تک نہیں پہنچ سکے جو مقام چند سالوں میں رنبیر نے حاصل کیا۔رنبیر کپور کی شادی بالی ووڈ کی معروف اداکارہ اور مہیش بھٹ اور سونی رازدان کی صاحب زادی عالیہ بھٹ سے ہوئی ہے۔  ان کی ایک بیٹی ہے۔رنبیر کی دیگر فلموں میں برہماستر، اینیمل، جوانی دیوانی، اے دل ہےمشکل، سنجے دت کی بایو پک سنجو، شمشیرا، تماشہ، بے شرم، انجانہ انجانی، روئے شامل ہیں۔