دھوم فرنچائز کی اگلی فلم دھوم ۴ کی شوٹنگ ۲۰۲۶ء میں شروع ہوگی۔

دھوم۴؍ یش راج کی متوقع فلموں میں سے ایک ہے۔ کافی عرصے سے اس فلم کے تعلق سے چہ میگوئیاں جاری ہیں۔ یاد رہے کہ دھوم فرنچائز کی اس فلم میں رنبیر کپور کلیدی کردار نبھائیں گے۔ پنک ویلا کے قریبی ذرائع کے مطابق فی الحال یش راج فلمز دھوم ۴ ؍کی اسکرپٹ تیار کر رہا ہے۔ آدتیہ چوپڑہ ہدایتکار شری دھار رگھاون کے ساتھ فلم کی اسکرپٹ پر کام کررہے ہیں۔ 

یہ بھی پڑھئے: ریکھا کی ’’امراؤ جان‘‘ ۲۷؍ جون ۲۰۲۵ء کو ری ریلیز ہوگی

’’دھوم ۴‘‘ کی شوٹنگ کا آغاز اپریل ۲۰۲۶ء کو ہوگا اور فلمساز کوشش کررہے کہ شوٹنگ ۲۰۲۶ء تک ختم ہوجائے۔ اس فلم کی ہدایتکاری ایان مکھرجی انجام دیں گے اور اس کے پری پروڈکشن کی شروعات وائے آر ایف کی فلم ’’وار ۲‘‘ کے ریلیز ہونے کے بعد ۲۰۲۶ء میں شروع ہوگی۔ فی الحال رنبیر کپور اپنی فلم’’ لو اینڈ وار‘‘ کی شوٹنگ میں مصروف ہیں۔ اس کے بعد وہ ’’رامائن ۲ ‘‘کی شوٹنگ مکمل کریں گے۔