دہلی بھیجنے کا اعلان،کہا:ہماری ٹیم اس تعلق سے استعمال ہونے والی تمام چیزیں مہیا کرانے کیلئے تیار ہے

بالی ووڈ اداکارہ روینہ ٹنڈن نے کورونامتاثرین کی مدد کیلئے۱۰۰؍آکسیجن سلنڈروں کا انتظام کیا ہے۔کوروناوباکے بحران کےوقت روینہ ٹنڈن نےضرورت مندوں کی مدد کے لئے اپنا ہاتھ بڑھایا ہے۔ وہ کوروناسےمتاثرہ مریضوں کے لئے ۱۰۰؍ آکسیجن سلنڈروں کے ساتھ مدد کے لئے آگے آئی ہیں۔ روینہ ٹنڈن نے کہا کہ اسپتال بہت زیادہ رقم وصول کررہےہیں،لہٰذا ہم آکسیجن سلنڈروں کا بندوبست کررہےہیںجوبراہ راست ضرورت مندوں کو  بھیجےجا سکتےہیں۔۱۰۰؍آکسیجن سلنڈر دہلی بھیجنے کے لئےتیارہیں۔ہماری ٹیم آکسیجن کٹ سے لے کر آکسیجن کنسٹریٹرتک تمام وسائل مہیا کرانے کی کوشش کر رہی ہے۔ہم انفیکشن کی روک تھام کے لئے پولیس اور این جی او کے رابطےمیںہیں۔ہم اس مشکل وقت میں لوگوں سےمددکرنے کی اپیل کرتے ہیں ۔روینہ نےلکھامجھے امید ہے کہ بلیک مارکیٹنگ کرنے والوں کو پکڑکرتحقیقات کے دائرےمیںلایا جائے گا۔ آج کل جوبھی کچھ ہو رہا ہے اس پر یقین کرنا مشکل ہے۔یہ ایک تباہی جیساہے۔ امیر لوگ انجکشن اورعلاج معالجے کی ادائیگی کر رہےہیںجبکہ عام آدمی کی حالت بہت خراب ہے۔ یہ ایک مایوس کن  اور دل دہلا دینے والا شرمناک منظر ہے۔