اداکارہ اور پروڈیوسر رچا چڈھا اپنی ایک پرانی فنی دلچسپی بیلی ڈانس کی طرف دوبارہ توجہ دی ہے۔ اس ہمہ جہت فنکارہ نے گوا میں وقت گزارا جہاں انہوں نے اس رقص کی گہری سمجھ حاصل کرنے کے لیے پانچ روزہ خصوصی کورس کیا۔

اداکارہ اور پروڈیوسر رچا چڈھا اپنی ایک پرانی فنی دلچسپی بیلی ڈانس کی  طرف دوبارہ توجہ دی ہے۔ اس ہمہ جہت فنکارہ نے گوا میں وقت گزارا جہاں انہوں نے اس رقص کی گہری سمجھ حاصل کرنے کے لیے پانچ روزہ خصوصی کورس کیا۔
چند سال پہلے، اپنی ایک فلم کے خاص گانے کی تیاری کے دوران، رچا نے قزاخستان میں عالمی شہرت یافتہ ماہر اولگا میوس کے زیرِ نگرانی قبائلی بیلی ڈانس کی تربیت حاصل کی تھی۔ جو چیز ایک کردار کی تیاری کے طور پر شروع ہوئی، وہ جلد ہی ایک حقیقی شوق میں بدل گئی۔ یہ فن، جو جسم کے مرکز (کور) کی سخت مشق اور جسم کے حصوں کی درست علیحدہ حرکات کے لیے جانا جاتا ہے، ان کی فٹنس اور تخلیقی اظہار کے لیے ایک طاقتور ذریعہ بن گیا۔ بعد ازاں انہوں نے ممبئی کی انسٹرکٹر شائنا لیبانا کے ساتھ اپنی تکنیک کو مزید نکھارا اور سخت مشق جاری رکھی۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Richa Chadha (@therichachadha)

لاک ڈاؤن کے دوران بھی، رِچا نے آن لائن سیشنز کے ذریعے اپنی تربیت جاری رکھی، اس وقت کو اپنی حرکات بہتر بنانے اور رقص سے جڑے رہنے کے لیے استعمال کیا۔ بیلی ڈانس کے علاوہ، وہ کتھک کی تربیت یافتہ رقاصہ بھی ہیں، اور بچپن میں تقریباً ایک دہائی تک پنڈت ابھیئے شنکر مشرا کے زیرِ تربیت رہیں۔

یہ بھی پڑھئے:نصف سے زیادہ امریکیوں کا کہنا ہے کہ ان کی مالی حالت خراب ہو رہی ہے: سروے

پیشہ ورانہ مصروفیات کے باعث بیلی ڈانس سے ایک مختصر وقفے کے بعد، رچا نے اب اس فن کے ساتھ ایک زیادہ گہرے انداز میں دوبارہ جڑنے کا فیصلہ کیا ہے۔ گوا میں ہونے والا یہ نیا کورس ان کے اس سفر کا ایک نیا باب ہے، جو خالصتاً فن سے محبت کی بنیاد پر شروع کیا گیا ہے۔

یہ بھی پڑھئے:رشی کپور نے اپنی اداکاری سے مداحوں کو دیوانہ بنا لیا تھا

بیلی ڈانس کی طرف واپسی کے بارے میں بات کرتے ہوئے، رچا نے کہاکہ ’’میں نے اپنی ڈلیوری کے تقریباً ۶۔۷؍ ماہ بعد دوبارہ ڈانس شروع کیا۔ میں نے دپیکا وجے سے رابطہ کیا کیونکہ وہ ایک بہترین استاد ہیں۔ ابتدا میں یہ بیلی ڈانس کو بطور تھراپی استعمال کرنے کی ایک کوشش تھی، خاص طور پر میری بعد از زچگی حالت میں، لیکن یہ آہستہ آہستہ میری ایک مستقل دلچسپی بن گئی۔ چند سال کے وقفے کے بعد مجھے محسوس ہوا کہ مجھے اس سے زیادہ سنجیدگی سے دوبارہ جڑنا چاہیے۔ گوا کا یہ کورس کسی کردار یا پرفارمنس کے لیے نہیں ہے؛ یہ صرف میرے لیے ہے،اس کے ساتھ ہی سیکھنے، آگے بڑھنے، اور اس فن سے دوبارہ محبت کرنے کے لیے۔‘‘ اس نئے عزم کے ساتھ، رچا چڈھا ایک بار پھر ثابت کرتی ہیں کہ ان کا فنی سفر صرف اسکرین تک محدود نہیں بلکہ مسلسل سیکھنے، نظم و ضبط، اور پرفارمنگ آرٹس سے گہری محبت پر مبنی ہے۔