امریکہ کے معروف جریدے ’رولنگ اسٹون‘ نےسروں کی ملکہ لتامنگیشکر اورلیجنڈری پاکستانی گلوکار استاد نصرت فتح علی خان کو تاریخ انسانی کے۲۰۰؍ عظیم ترین گلوکاروں کی فہرست میں شامل کیا ہے۔ ا

 امریکہ کے معروف جریدے ’رولنگ اسٹون‘ نےسروں کی ملکہ لتامنگیشکر اورلیجنڈری پاکستانی گلوکار استاد نصرت فتح علی خان کو تاریخ انسانی کے۲۰۰؍ عظیم ترین گلوکاروں کی فہرست میں شامل کیا ہے۔   اس فہرست میں  اریتھا فرینکلن ، وہٹنی ہیوسٹن  اور سیم کوک بالترتیب اول تا سوم ہیں۔  رولنگ اسٹون نے  نصرت فتح علی خان کا نام ۹۱؍ویں مقام پر رکھا ہے۔ ویب سائٹ پر موجود تفصیلی مضمون کے  تعارف  میں انہیں ’شہنشاہ قوالی‘ کہا ہے۔ میگزین کے مطابق نصرت فتح علی خان نے  اپنی بے مثل گائیکی سے پوری دنیا میں لوگوں کے دل جیتے اور خصوصی طور پر اسی کی دہائی میں پیٹر گیبریئل کیئے ’ریئل ورلڈ لیبل‘ کیلئے ان کی ریکارڈنگ اور پرفارمنس نے لوگوں کو بہت متاثر کیا۔ امریکی جریدے کے مطابق نصرت فتح علی خان کے مشہور مداحوں میں شہرہ آفاق گلوکارہ میڈونا بھی شامل تھیں جبکہ ایڈی ویڈر نے ’ڈیڈ مین واکنگ‘ کو ان کے ساتھ مل کر گایا۔عظیم ترین گلوکاروں کی فہرست میںسروں کی ملکہ لتا منگیشکر کا نام ۸۴؍ویں  مقام  پر ہے ۔ رولنگ اسٹون نے انہیں کو ’پلے بیک گلوکاری کی ملکہ‘ اور ’سروں کی ملکہ‘ قرار دیا ہے۔اس فہرست میں مصر کی اپنے وقت کی بے مثال گلوکارہ ام کلثوم کا نام بھی شامل ہے۔