اجے دیوگن اپنی آنے والی فلم’ بھولا‘ کی شوٹنگ مکمل کرنے کے بعد اب فلم کے پوسٹ پروڈکشن کے کام میں مصروف ہیں۔

اجے دیوگن اپنی آنے والی فلم’ بھولا‘ کی شوٹنگ مکمل کرنے کے بعد اب فلم کے پوسٹ پروڈکشن کے کام میں مصروف ہیں۔ اس دوران ان کی آنے والے پروجیکٹ کے بارے میں بڑی خبر سامنے آ رہی ہے جس میں دعویٰ کیا جا رہا ہے کہ اس فلم میں اداکارہ سائی مانجریکر کو شامل کیا گیا ہے۔خبروں کے مطابق نیرج پانڈے کے اس پروجیکٹ میں اجے دیوگن اور جمی شیرگل مرکزی کردار میں نظر آنے والی ہیں اور اب اس پروجیکٹ میں اداکارہ سائی مانجریکر کو بھی شامل کیا گیا ہے۔ 
 سائی مانجریکر اس بلا عنوان رومانٹک تھریلر فلم میں مرکزی کردار ادا کر رہی ہیں۔ساتھ ہی میکرز نے ابھی تک اداکارہ کے کردار کے بارے میں زیادہ معلومات نہیں دی ہےکیونکہ میکرز اس کردار کو خفیہ رکھنا چاہتے ہیں۔ اطلاع کے مطابق نیرج پانڈے کے اس پروجیکٹ کی کہانی ۲؍ مختلف ادوار پر مبنی ہوگی۔ اجے دیوگن، جمی شیرگل اور سائی مانجریکر  کی اس فلم کی شوٹنگ اس ماہ کے آخر تک لکھنؤ میں شروع ہو سکتی ہے۔ اس کے بعد ممبئی میں ۵۰؍دنوں کی طویل شوٹنگ ہوگی جس میں فلم کا ۵۰؍فیصد سے زیادہ  حصہ شوٹ کیا جائے گا۔