سنجے دت نے چند ماہ قبل اکشے کمار کی فلم’’ ویلکم ٹو دی جنگل‘‘ کی شوٹنگ شروع کی تھی۔ تاہم، ایک دن بعد وہ فلم سے باہر ہو گئےتھے۔

فلم کےمداحوں کے لئے یہ کسی خوشی سے کم نہیں تھا جب اکشے کمار نے ویلکم فرنچائزی میں’’ ویلکم ٹو دی جنگل ‘‘کے عنوان سے تیسری فرنچائزی کا اعلان کیا۔ اعلان کے ویڈیو میں، بالی ووڈ کے منا اور سرکٹ یعنی سنجے دت اور ارشد وارثی کو اکشے کے بالکل ساتھ کھڑے دیکھا جا سکتا ہے۔اس غیر متوقع ملاپ نے یقینی طور پر ہمیں خوش کیا تھا۔ اب یہ خبرآئی ہے کہ  سنجو بابا اب اس پروجیکٹ کا حصہ نہیں ہیں۔ رپورٹ سچ ہے لیکن افواہوں کے برعکس ان کا باہر جانا ساتھی اداکار اکشے کے ساتھ جھگڑے کی وجہ سے نہیں ہے۔ذرائع نے انکشاف کیا ہے کہ سنجے ۳؍ماہ قبل فلم کی شوٹنگ سےباہر ہوگئے تھے کیونکہ وہ کینسر کے ساتھ طویل جنگ کے بعد ایکشن سیگمنٹس کو برقرار رکھنے سے قاصر تھے۔ایک قریبی ذرائع نے انکشاف کیا کہ ‘‘سنجے فلم کو لے کر بہت پرجوش تھے اور انہوں نے شوٹنگ بھی شروع کر دی تھی۔بدقسمتی سے، چند ماہ قبل، مڈ آئی لینڈ میں صرف ایک دن کی شوٹنگ مکمل کرنے کے بعد، انہوں نے ہدایت کار کو مطلع کیا کہ وہ کینسر کے ساتھ جنگ ​​اور اس کے بعد ہونے والے علاج کے بعد صحت کی وجوہات کی بناء پرفلم کی شوٹنگ جاری نہیں رکھ سکتے۔‘‘
اگرچہ ویلکم ۳؍مزاح سے بھری مسالہ فلم ہے، لیکن اس میں بہت زیادہ ایکشن بھی شامل ہے (سنجے کے کردار میں فلم میں کافی ایکشن تھا)، جس کا انہیں اندازہ نہیں تھا اور انہوں نے خود پرفارم کرنے سے قاصر پایا۔ مبینہ طور پر دت کو اسٹیج ۴؍پھیپھڑوں کے کینسر کی تشخیص ہوئی تھی، حالانکہ ان کے خاندان نے کبھی بھی مخصوص تفصیلات ظاہر نہیں کیں۔ جیسے ہی سنجے نے اپنے فیصلے کے بارے میں ٹیم کو بتایا، سنیل شیٹی نے فلم میں ان کے کردار کے لئے ہامی بھرمی بھری اور شوٹنگ تقریباً مکمل ہو چکی ہے اور عملہ حیران ہے کہ یہ منفی خبریں اب کیوں گردش کر رہی ہیں کیونکہ یہ سب کچھ کئی مہینے پہلے ہوا تھا۔

My heart is filled with gratitude as I share this news with all of you today. Thank you 🙏🏻 pic.twitter.com/81sGvWWpoe

— Sanjay Dutt (@duttsanjay) October 21, 2020

 اگست ۲۰۲۰میں، منا بھائی ایم بی بی ایس اسٹار نے اپنے کینسر کی تشخیص کا اعلان کیا۔ مہینوں بعد، انہوں نے اعلان کیا کہ وہ کینسر سے صحت یاب ہوگئے ہے۔
اکشے، ارشد اور سنیل کے علاوہ ویلکم ۳میں روینہ ٹنڈن، لارا دتہ بھوپتی، جیکلین فرنینڈس، دیشا پٹانی، ارشد وارثی، پریش راول، جانی لیور، راجپال یادیو، تشار کپور، شریاس تلپڑے اور کرشنا ابھیشیک سمیت کئی کاسٹ شامل ہیں۔ . احمد خان اس فلم کی ہدایات کار ہیں، جو اس دسمبر میں سینما گھروں کی زینت بنے گی۔