گلوکارہ پلک مچھل اپنی کمائی کا بیشتر حصہ بچوں کے دل کے آپریشن کے لیے عطیہ کرتی ہیں۔ وہ اپنے تمام اسٹیج شو کی کمائی بھی عطیہ کرتی ہیں۔ حال ہی میں پلک کا نام گنیز بک آف ورلڈ ریکارڈ میں شامل کیا گیا تھا۔ وہ اب تک۳۸۰۰؍ سے زیادہ بچوں کے دل کی سرجری کر چکی ہے۔

گلوکارہ پلک مچھل اپنی بہترین گلوکاری اور سماجی خدمات کی وجہ سے خبروں میں رہتی ہیں۔ اندور میں پیدا ہونے والی اور اپنی سریلی آواز اور سریلی موسیقی کے لیے مشہور، پلک مچھل نے اب گنیز بک آف ورلڈ ریکارڈز اور لمکا بک آف ریکارڈز میں جگہ حاصل کر لی ہے۔ تاہم انہوں نے یہ امتیاز اپنی گلوکاری کے لیے نہیں بلکہ اپنی سماجی خدمت کے لیے حاصل کیا۔

 

 

 

 

 

View this post on Instagram

 

 

 

 

 

 

 

 

 

 

 

A post shared by The Better India (@thebetterindia)

پالش چیریٹیبل فاؤنڈیشن کے ذریعے گلوکارہ پلک نے۳۸۰۰؍ سے زائد بچوں کے دل کے آپریشن کروائے  ہیں۔ پلک نے بچپن میں ٹرین کے سفر کے دوران غریب بچوں سے ملاقات کی۔ اس لمحے نے ان کی زندگی کو ایک بڑا مقصد دیا۔ اس دن  انہوں نے خاموشی سے خود سے وعدہ کیا’’میں کسی دن ان کی ضرور مدد کروں گی۔‘‘ برسوں بعد، یہ وعدہ اس فاؤنڈیشن کے ساتھ کام کرنے کا ذریعہ بن گیا۔پلک موسیقی کے پروگراموں سے حاصل ہونے والی آمدنی اور ان کی اپنی بچت کو بچوں کی زندگی بچانے والی طبی خدمات  کے  فنڈ میں استعمال کرتی ہیں۔
پلک نے سماجی کاموں کے لیے۱۰؍ لاکھ روپے کا عطیہ کیا۔بچوں کے ساتھ پلک کا ایک ویڈیو سوشل میڈیا پر وائرل ہو رہا ہے۔ گزشتہ برسوں میں پلک نے کرگل کے شہدا کے خاندانوں کی مدد کی ہے اور گجرات کے زلزلہ متاثرین کی امداد کے لیے۱۰؍ لاکھ روپے کا تعاون کیا ہے۔ سماجی بہبود کے لیے ان کی وابستگی گہری ہیں اور مسلسل عمل سے کارفرما ہیں۔

یہ بھی پڑھئے:منیش ملہوترا کی پہلی فلم ’’گستاخ عشق‘‘ کا ٹریلر جاری کر دیا گیا

لمکا بک آف ریکارڈز میں نام درج کروانے والی گلوکارہ نے’’میری عاشقی‘‘، ’’کون تجھے‘‘ اور’’پریم رتن دھن پایو‘‘ جیسے گانوں سے اپنے میوزیکل کریئر کو بلندیوں تک پہنچایا ہے اس  کے باوجود پلک نے اپنی کمائی اور توانائی کو اپنی فاؤنڈیشن کے لیے وقف کرنا جاری رکھا۔ ان کا نام لمکا بک آف ریکارڈز میں بھی درج ہے، جو ان کی پیشہ ورانہ کامیابیوں کے ساتھ ساتھ انسانی ہمدردی کے کاموں کے لیے ان کی غیر متزلزل لگن کا منہ بولتا ثبوت ہے۔