۱۲؍ ستمبر کی دیر رات شاہ رخ خان، دپیکا پڈوکون اور رنویر سنگھ کو بچی کی پیدائش پر مبارکباد دینے کیلئےممبئی کے ایچ این ریلائنس فاؤنڈیشن اسپتال پہنچے۔ خیال رہے کہ بالی ووڈ برادری نے سوشل میڈیا پر جوڑے کو نیک تمنائیں بھیجی ہیں۔

کنگ خان شاہ رخ ۱۲؍ ستمبر کی رات دیر گئے ممبئی کے ایچ این ریلائنس فاؤنڈیشن اسپتال میں جاتے نظر آئے۔ وہ بچی کی پیدائش پر دپیکا پڈوکون اور رنویر سنگھ سے ملاقات کی غرض سے گئے تھے۔ واضح رہے کہ اداکارہ نے ۸؍ ستمبر ۲۰۲۴ء کو ایک بچی کو جنم دیا ہے۔ آن لائن وائرل ایک ویڈیو میں شاہ رخ خان اپنی سفید رولس رائس میں اسپتال جاتے دکھائی دیئے۔ خیال رہے کہ متعدد اہم شخصیات دپیکا اور رنویر سے ملنے کیلئے اسپتال جارہی ہیں۔ مکیش امبانی اسپتال میں جوڑے سے ملنے والے پہلے لوگوں میں شامل تھے۔

Shah Rukh Khan visits H N Reliance Hospital at Girgaon Mumbai to meet DeepVeer’s little Princess pic.twitter.com/qmiQxsM6ZV

— 👸Sharania Jhanvi𓀠 (@SharaniaJ) September 13, 2024

دپیکا اور رنویر کے انسٹاگرام پر بچی کی پیدائش کے اعلان کے بعد بالی ووڈ برادری کی جانب سے انہیں مبارکباد پیش کی گئی۔ عالیہ بھٹ، پرینکا چوپڑا، کترینہ کیف، کرینہ کپور اور سارہ علی خان سبھی نے سوشل میڈیا پر اپنی نیک تمنائیں بھیجیں۔