شاہ رخ خان کی فلم ’سودیس‘ میں نظر آنے والی اداکارہ گایتری جوشی اٹلی میں کار حادثے سے دوچار ہوئی ہیں۔

 شاہ رخ خان کی فلم ’سودیس‘ میں نظر آنے والی اداکارہ گایتری جوشی اٹلی میں کار حادثے سے دوچار ہوئی ہیں۔ جب یہ حادثہ ہوا، گایتری اپنے شوہر وکاس اوبرائے کے ساتھ سفر کر رہی تھیں۔  حادثے کے بعد ان کی کار ایک کیمپنگ وین اور دوسری کار سے ٹکرائی۔گایتری اور ان کے شوہر اس حادثے میں بال بال بچ گئے لیکن ان سے ٹکرانے والی کار میں سوار سوئس جوڑے کی موت ہوگئی۔یہ حادثہ اس وقت پیش آیا جب لمبرگینی اورفیراری کے ڈرائیوروں نے سارڈینیا میں ایک تنگ سڑک پر ایک کیمپنگ وین کو اوور ٹیک کرنے کی کوشش کی۔تینوں گاڑیاں ایک دوسرے سے ٹکرا گئیں اور کیمپروین الٹ گئی۔ حادثے کےبعد فیراری میں آگ لگ گئی جس کے باعث اس میں سفر کرنے والا سوئس جوڑا ہلاک ہوگیا۔ حادثےکاویڈیو وائرل ہے۔