تاپسی پنو نے حال ہی میں او ٹی ٹی پلے ایوارڈز ۲۰۲۲ءکی تقریب میں شرکت کی۔ اس موقع پر ایک صحافی نےاداکارہ سے ان کی حالیہ ریلیز ہونے والی فلم دوبارہ کے بارےمیں سوال کرتے ہوئے کہا کہ اس فلم کے بارے میں نقادوں کی آرا اچھی نہیں بلکہ منفی کمنٹس ہیں۔

 تاپسی پنو نے حال ہی میں او ٹی ٹی پلے ایوارڈز ۲۰۲۲ءکی تقریب میں شرکت کی۔ اس موقع پر ایک صحافی نےاداکارہ سے ان کی حالیہ ریلیز ہونے والی فلم دوبارہ کے بارےمیں سوال کرتے ہوئے کہا کہ اس فلم کے بارے میں نقادوں کی آرا اچھی نہیں بلکہ منفی کمنٹس ہیں۔صحافی کے سوال پر تاپسی برہم ہوگئیں اور جواب دیتے ہوئے کہا کہ اس قسم کے سوالات کرنے سے قبل اپنا ہوم ورک مکمل کیا کرو، ورنہ پھر بولو گے ایکٹرز کو تمیز نہیں ہے۔   انہوں نے صحافی سے پوچھا کہ کس فلم کے خلاف منفی ریمارکس نہیں چلایا گیا اور جب اس صحافی نے مزید سوال کرنے کی کوشش کی تو تاپسی نے مداخلت کرتےہوئے کہا کہ آپ میری بات کا جواب دیں، میں آپ کے سوال کا جواب دے دوں گی، کونسی فلم کے ساتھ نہیں چلایا گیا۔صحافی نے دعویٰ کیا کہ نقاد بھی فلم کے خلاف مہم چلاتے ہیں، جس پر تاپسی نے کہا کہ سوال کرنے سے پہلے ایک بار تھوڑا سا ہوم ورک کرلینا، پھر یہ لوگ بولتے ہیں کہ ایکٹرز کو تمیز نہیں۔  اس پر ایک پرستار نے کمنٹ کیا کہ تاپسی نے درست جواب دیا، ایک اور نے کہا اگر آپ کمنٹس برداشت نہ کرسکیں تو فلم نہ بنائیں۔ ایک نے کہا کہ یہ اتنے غصے میں کیوں ہیں؟ واضح رہے کہ فلم دوبارہ، ہدایتکارانوراگ کشیپ کی سائنس فکشن تھریلر فلم ہے، جس میں تاپسی کےساتھ پاویل گلاٹی نے مرکزی کردار ادا کیا ہے، فلم کی پروڈکشن ایکتا کپور کی ہے۔