اداکار اور میزبان شیکھر سمن اپنے حال ہی میں ریلیز ہونے والے ویب شو ’’دی پیرامڈ سکیم‘‘ میں اپنے کردار کے لیے خبروں میں ہیں۔

اداکار اور میزبان شیکھر سمن اپنے حال ہی میں ریلیز ہونے والے ویب شو ’’دی پیرامڈ سکیم‘‘ میں اپنے کردار کے لیے خبروں میں ہیں۔ دریں اثنا اداکار نے معاشرے کی موجودہ حالت کے بارے میں کھل کر بات کی۔ شو کی تشہیر کے دوران انہوں نے کہا کہ ناخواندگی، بڑھتی ہوئی آبادی، سیاستدانوں اور نظام کی وجہ سے لوگ بار بار جھوٹے وعدوں اور گھوٹالوں کا شکار ہو رہے ہیں۔
شیکھر سمن نے  بتایا’’ایک بڑی وجہ آبادی، سیاست دان، نظام اور خواندگی کی سطح ہے۔ ناخواندگی کی وجہ سے لوگ بہت سی چیزوں کو نہیں سمجھ پاتے ہیں۔ کچھ لوگ خود ہی بے وقوف بن جاتے ہیں اور جو لوگ انہیں بے وقوف بنانے کی کوشش کرتے ہیں وہ ہمیشہ تیار رہتے ہیں۔‘‘شیکھر سمن کا کہنا ہے کہ اس طرح کی اسکیموں سے بچنے کا بہترین طریقہ تعلیم اور بیداری ہے۔ انہوں نے لوگوں پر زور دیا کہ وہ کسی بھی آسان رقم کی پیشکش کے لیے آنکھیں بند نہ کریں۔

یہ بھی پڑھئے:رونالڈو، میسی، صلاح اور نیمار اپنے آخری ورلڈ کپ کو یادگار بنانے کی کوشش کریں گے

شیکھر سمن نے ملک کی بڑھتی ہوئی آبادی اور نظام کی خامیوں پر بھی تشویش کا اظہار کیا۔ ان کا ماننا ہے کہ جب تک تعلیم کی سطح بہتر نہیں ہوتی، لوگ اس طرح کے گھوٹالوں کی زد میں آتے رہیں گے۔فوری امیر بننے کی اسکیموں کو نشانہ بناتے ہوئے، انہوں نے کہا’’جو لوگ راتوں رات امیر ہونے کی بات کرتے ہیں، جو کہتے ہیں کہ تمہیں کل، پرسوں، یا مہینے کے آخر میں اتنے پیسے مل جائیں گے، پہلے انہیں پکڑو اور مارو۔‘‘
شیکھر سمن نے مزید کہا کہ اگر پیسہ کمانا اتنا ہی آسان ہوتا تو پوری دنیا امیر ہوتی اور کوئی غریب نہیں رہتا۔ انہوں نے واضح طور پر اسے ایک دھوکہ قرار دیا۔ اداکار نے اپنے ماضی کا ایک واقعہ بھی شیئر کیا۔۲۰۰۰ء میں، کسی نے انہیں اسی طرح کی اسکیم پر قائل کرنے کی کوشش کی. اگرچہ یہ پہلے پرکشش لگ رہا تھا، لیکن شیکھر سمن مشکوک ہو گیا اور اسے بروقت پکڑ لیا۔

یہ بھی پڑھئے:مادھوری دکشت نے شوہر ڈاکٹر شری رام نینے کے ساتھ ہندوستان واپسی کی وجہ بتائی

 ’’پیرامڈ اسکیم‘‘ سیریز فریب دہی کے اسکیموں کی دنیا پر مبنی ہے، جہاں لوگ فوری پیسہ کمانے کے لالچ کا شکار ہوجاتے ہیں۔ شیکھر سمن کے علاوہ اس شو میں رنویر شوری، شریانش پانڈے، پرم ویر چیمہ، انجان سریواستو، الفیہ جعفری، آشیش راگھو، اکھلیندر مشرا، اسمیتا بنسل، اور بہت سے دوسرے اداکار بھی ہیں۔ وائرل فیور سیریز کو شریانش پانڈے نے پروڈیوس کیا ہے اور اس کی ہدایت کاری آشیش آر شکلا اور شریانش پانڈے نے کی ہے، اور پرائم ویڈیو پر چل رہی ہے۔