نندوربار سے دھولیہ کی سمت آنے والی اسٹیٹ ٹرانسپورٹ کی شیو شاہی بس میں ممبئی آگرہ نیشنل ہائی وے پر واقع نگاو باری علاقے میں اچانک آگ لگ گئی۔

نندوربار سے دھولیہ کی سمت آنے والی اسٹیٹ ٹرانسپورٹ کی شیو شاہی بس میں ممبئی آگرہ نیشنل ہائی وے پر واقع نگاو باری علاقے میں اچانک آگ لگ گئی۔ بس میں سوار مسافروں کو بحفاظت اتار لیا گیا۔ڈرائیور کی حاضر دماغی سے ایک بڑا ہولناک حادثہ ہونے سے ٹل گیا۔

یہ بھی پڑھئے: احتجاج ملک گیر ہوگیامگر استعفیٰ نہیں ہوا،طلبہ اٹل، نڈا سے گفتگو

اطلاع کے مطابق ایم ایچ ۰۶؍بی ڈبلیو ۰۴۷۱؍نمبر کی شیو شاہی بس صبح ۱۰؍ بجے نندوربار سے دھولیہ کیلئے روانہ ہوئی اس بس میں تقریبا ۴۷؍مسافر سوار تھے۔دوپہر ساڑھے  ۱۲؍ بجے کے قریب یہ بس دھولیہ شہر کے نگاو باری علاقے میں پہنچی۔ ڈرائیور راہل چوہان اور کنڈیکٹر ساجد محمد کو بس کے انجن سے دھواں نکلتا ہوا دکھائی دیا۔ڈرائیور چوہان نے بس راستے کے ایک طرف کھڑا کر دیا اور مسافروں کو بس سے اترنے کیلئے کہا۔ مسافروں کے مطابق  جیسے ہی سارے مسافر نیچے اترے کچھ ہی دیر میں بس میں  آگ کے شعلے اٹھنے لگے ۔دیکھتے ہی دیکھتے پوری بس میں آگ لگ گئی۔ حادثے کی اطلاع ملتے ہی فائر بریگیڈ کا عملہ جائے حادثے پر پہنچ گیا۔عملے کی جدوجہد کی وجہ بس میں لگی آگ پر قابو پالیا گیا۔لیکن بس کا بڑے پیمانے پر نقصان ہوا ہے۔ ڈپو افسر نے بتایا کہ آگ لگنے کی وجہ تحقیقات کے بعد معلوم ہو سکے گی۔  ڈرائیور اور کنڈیکٹر کی  حاضر دماغی لوگ تعریف کر رہے ہیں۔