بالی ووڈ اداکارہ شمیتا شیٹی نے اپنے اور اداکار راکیش باپٹ کی بریک اپ کی افواہوں کی تردید کردی ہے۔

لی ووڈ اداکارہ شمیتا شیٹی نے اپنے اور اداکار راکیش باپٹ کی بریک اپ کی افواہوں کی تردید کردی ہے۔ گزشتہ دنوں شائع ہونےوالی ایک خبر کے مطابق شمیتا شیٹی اور اُن کے بوائے فرینڈ راکیش کے درمیان علیحدگی ہوگئی تھی۔ رپورٹ میں کہا گیا تھا کہ اس جوڑے میں لڑائی جھگڑے زیادہ ہونے کی وجہ سے الگ ہونے کا فیصلہ کیا ہے۔بعدازیں شمیتا شیٹی نے اس خبر پر ردّعمل کے اظہا رکیلئے انسٹاگرام کا رُخ کیا۔
  شمیتا شیٹی نے اپنی انسٹاگرام اسٹوری میں کہا ’’ہم آپ سے درخواست کرتے ہیں کہ ہمارے رشتے سے متعلق کسی بھی قسم کی افواہوں پر یقین نہ کریں، اس میں کوئی حقیقت نہیں ہے۔‘‘دوسری جانب راکیش نے بھی یہی پیغام اپنے انسٹاگرام پر جاری کیاہے۔واضح رہے کہ  رئیلیٹی شو بگ باس کے سیزن۱۵؍ میں شمیتا شیٹی اور راکیش نے بطورِ کنٹسٹنٹ شرکت کی تھی۔  بگ باس۱۵؍ کے دوران ہی دونوں کی دوستی ہوئی جو اب محبت میں تبدیل ہوچکی ہے