ہندوستان میں پہلی بار ایک ویب سیریز سنیما گھروں کی طرف قدم بڑھا رہی ہے۔ بے حد کامیاب ویب سیریز ’’مرزاپور‘‘ اب ایک فیچر فلم بن چکی ہے! اس کا ٹیزر جاری کر دیا گیا ہے جس میں اصل کاسٹ اپنے مشہور کرداروں میں واپس نظر آ رہی ہے۔

’’بھاؤکال‘‘ اب اور بھی بڑا ہونے جا رہا ہے کیونکہ ’’مرزاپور‘‘ کی دنیا بڑی اسکرین کی طرف منتقل ہو رہی ہے۔ ’’مرزاپور: دی مووی‘‘ کا ٹیزر جاری کیا گیا، جس میں مرزاپور کی کہانی کی ابتدا کی جھلک دکھائی گئی ہے۔ ٹیزر میں ماضی کے کرداروں کے ساتھ ساتھ کچھ نئے چہرے بھی شامل ہیں، جو مل کر مرزاپور کی ایک وسیع اور شاندار دنیا تخلیق کرتے ہیں۔

’’مرزاپور: دی مووی‘‘ کا ٹریلر جاری!
ہندوستان میں پہلی بار ایک ویب سیریز کو اس کی مقبولیت کی وجہ سے بڑی اسکرین پر ڈھالا جا رہا ہے۔ مرزاپور فرنچائز او ٹی ٹی سے سنیما کی طرف قدم بڑھا رہی ہے، اپنی پہچان یعنی شدید جذبات، دلچسپ کہانی اور بڑی اسکیل کو سنیما گھروں تک لے کر آ رہی ہے۔ ٹیزر ناظرین کو دوبارہ مرزاپور کی دنیا میں خوش آمدید کہتا ہے، جس میں علی فضل، پنکج ترپاٹھی اور دیویندو شامل ہیں، جبکہ جتندر کمار ببلو پنڈت کے کردار میں نظر آتے ہیں، جو مداحوں کے پسندیدہ کردار کو دوبارہ اسکرین پر لے آتا ہے۔ اس کہانی میں مزید اضافہ روی کشن کی شمولیت سے ہوتا ہے، جن کی مضبوط موجودگی مرزاپور کی دنیا میں ایک نئی دلچسپ جہت پیدا کرتی ہے۔ پوروانچل کی گلیوں سے لے کر راجستھان کے صحراؤں تک، یہ کہانی پہلے سے کہیں زیادہ بڑی ہو رہی ہے اور اپنے دلکش اور وسیع بیانیے کے ساتھ مختلف خطوں کے سنیما گھروں تک پہنچ رہی ہے۔ ۲۰۱۸ء میں شروع ہونے والے سیزن ایک  کے ٹائم لائن سے جڑی رہتے ہوئے، یہ فلم ایک ایسی عظیم اور ان کہی کہانی کو پیش کرتی ہے جو بڑی اسکرین کے لیے تیار کی گئی ہے۔

یہ بھی پڑھئے:نیمار جونیئر ۹۸۱؍ دن بعد ٹیم میں واپسی پر رو پڑے

’’مرزاپور: دی مووی‘‘ کی کاسٹ 
فلم میں اصل کاسٹ شامل ہے، جن میں پنکج  ترپاٹھی، دیویندو، علی فضل، شریا پلگاؤںکر، شویتا ترپاٹھی کے ساتھ ساتھ رسیکا دگل، کل بھوشن کھربندہ، ابھیشیک بنرجی، شیبا چڈھا، راجیش تیلانگ اور ہرشیتا شیکھر گور شامل ہیں۔کاسٹ میں نئے اضافے بھی کیے گئے ہیں۔ جتندر کمار خاص طور پر ببلو پنڈت کے کردار میں نظر آئیں گے، جو سیزن  ایک میں وکرم میسی نے ادا کیا تھا۔ فلم میں موہت مالک، روی کشن، سشانت سنگھ اور سونل ایس چوہان بھی شامل ہیں۔

یہ بھی پڑھئے:پرینکا چوپڑہ کا ماننا ہے کہ ہالی ووڈ میں اُن کی کامیابیاں بالی ووڈ کے مقابلے میں اب بھی کم ہیں

’’مرزاپور: دی مودی‘‘ کو امیزون ایم جی ایم اسٹوڈیوز اور ایکسل انٹرٹینمنٹ پیش کر رہے ہیں۔ ہدایت کاری گرمیت سنگھ نے کی ہے، اسکرین پلے پنیت کرشنا نے لکھا ہے جبکہ اسے رتیش سدھوانی اور فرحان اختر نے ایکسل انٹرٹینمنٹ کے تحت پروڈیوس کیا ہے اور کاسم جگمگیا اور وشال رامچندانی شریک پروڈیوسرز ہیں۔ یہ فلم ۴؍ ستمبر  ۲۰۲۶ء کو بڑے پیمانے پر سنیما گھروں میں ریلیز کی جائے گی۔ ’’مرزاپور: دی مووی‘‘ ہندی اور تیلگو زبانوں میں ریلیز ہوگی۔