وروان دھون کی ’’ہے جوانی تو عشق ہونا ہے‘‘ کی پہلی جھلک جاری کر دی گئی ہے جس میں ورون کے ساتھ پوجا ہیگڑے اور مرنال ٹھاکر نظر آئیں گی۔ فلم ۲۲؍ مئی ۲۰۲۶ء کو ریلیز ہوگی۔ دلچسپ بات یہ ہے کہ اسی دن لکشیا لالوانی اور اننیا پانڈے کی’’چاند میرا دل‘‘ بھی ریلیز ہو رہی ہے۔

بالی ووڈ میں ایک اور دلچسپ مقابلہ ۲۲؍ مئی ۲۰۲۶ء کو متوقع ہے کیونکہ ورون دھون کی آنے والی فلم ’’ہے جوانی تو عشق ہونا ہے‘‘ کی پہلی جھلک جاری کر دی گئی ہے، اور اس کے ساتھ ہی اس کی نئی ریلیز ڈیٹ نے بھی مداحوں کی توجہ اپنی جانب کھینچ لی ہے۔ فلم کی پہلی جھلک ایک انرجی سے بھرپور انداز میں سامنے آئی، جس میں مرکزی کرداروں کا تعارف کرایا گیا۔ ویڈیو سے اندازہ ہوتا ہے کہ ورون دھون ممکنہ طور پر ڈبل رول میں نظر آئیں گے، جبکہ فلم مکمل طور پر کامیڈی اور رومانوی تفریح سے بھرپور ہے۔ یہ فلم مشہور ہدایتکار ڈیوڈ دھون نے بنائی ہے، جو اپنی مزاحیہ فلموں کے لیے جانے جاتے ہیں۔ یہی وجہ ہے کہ شائقین کو ایک خالص ’’ماس انٹرٹینر‘‘ کی امید ہے۔

یہ بھی پڑھئے: آدتیہ دھر نہیں، آنجہانی ہدایتکار کی تلاش تھی ’’دُھرندھر‘‘، فلم کے کریڈٹ سینز میں رازپوشیدہ

ورون دھون نے سوشل میڈیا پر پہلی جھلک شیئر کرتے ہوئے اعلان کیا کہ فلم اب ۲۲؍ مئی ۲۰۲۶ء کو سنیما گھروں کی زینت بنے گی۔ اس اعلان کے ساتھ ہی باکس آفس پر ایک بڑے تصادم کی راہ ہموار ہو گئی ہے۔ اسی دن ’’چاند میرا دل‘‘ بھی ریلیز ہو رہی ہے، جس میں لکشیا لالوانی اور اننیا پانڈے مرکزی کردار ادا کر رہے ہیں۔ دونوں فلمیں رومانوی اور نوجوانوں کو ہدف بنانے والی ہیں، جس سے مقابلہ مزید دلچسپ ہو گیا ہے۔

دلچسپ بات یہ ہے کہ ’’ہے جوانی تو عشق ہونا ہے‘‘ کی ریلیز ڈیٹ میں کئی بار تبدیلی کی گئی۔ ابتدا میں اسے ۵؍ جون کو ریلیز ہونا تھا، پھر اسے ۱۲؍ جون تک مؤخر کیا گیا تاکہ ’’ٹاکسک‘‘ کے ساتھ ٹکراؤ سے بچا جا سکے۔ تاہم، بعد میں فلم تقریباً مکمل ہونے کے بعد میکرز نے اسے مزید پہلے یعنی ۲۲؍ مئی پر لانے کا فیصلہ کیا، تاکہ اسے لمبا رن وے مل سکے اور زیادہ ناظرین کو متوجہ کیا جا سکے۔

یہ بھی پڑھئے: میسی سے ملنے کا خواب سچ ہوا،فلم ’’۵۲ بلیو‘‘ کے پوسٹر پر لیونل میسی کے دستخط

دلچسپ بات یہ ہے کہ اسی دن امتیاز علی کی فلم ’’مَیں واپس آؤں گا‘‘ بھی ریلیز ہورہی ہے جس میں دلجیت دوسانجھ، شروری اور ویدانگ رائنا مرکزی کرداروں میں ہیں۔ علاوہ ازیں، انوراگ کشیپ کی ’’بندر‘‘ بھی ۲۲؍ مئی کو ریلیز ہوگی جس میں بوبی دیول مرکزی کردار میں ہیں۔