’’دُھرندھر‘‘ فلم فرنچائز ہندی سنیما کی سب سے کامیاب فلموں میں شمار ہوتی ہے۔ ہدایتکار آدتیہ دھر کی اس فلم نے اپنی بے پناہ کامیابی کے زور پر بالی ووڈ کی تعریف کو بدل دیا ہے اور انڈسٹری میں ایک نئے دور کا آغاز کیا ہے۔

’’دُھرندھر‘‘ فلم فرنچائز ہندی سنیما کی سب سے کامیاب فلموں میں شمار ہوتی ہے۔ ہدایتکار آدتیہ دھر کی اس فلم نے اپنی بے پناہ کامیابی کے زور پر بالی ووڈ کی تعریف کو بدل دیا ہے اور انڈسٹری میں ایک نئے دور کا آغاز کیا ہے۔ لیکن کیا آپ جانتے ہیں کہ اس فرنچائز کا ٹائٹل ’’دُھرندھر‘‘ دراصل آدتیہ کی دریافت نہیں تھا؟ یہ ایک آنجہانی  ہدایتکار کی بہترین سوچ کا نتیجہ تھا، جن کے خاندان سے آدتیہ دھر نے فلم کے ٹائٹل کے حقوق خریدے تھے۔ آخر پورا معاملہ کیا ہے، آئیے اس کی تفصیل جانتے ہیں۔ 

یہ بھی پڑھئے:حیدرآباد: بی ایم ڈبلیو میں ’’جیمز بونڈ‘‘ طرز نمبر پلیٹ، ڈاکٹر گرفتار

اس ہدایتکار نے دیا تھا ’’دُھرندھر‘‘ کا ٹائٹل
فلم ’’دُھرندھر‘‘ اور ’’ دُھرندھر: دی ریونج‘‘ کے حوالے سے ہدایتکار آدتیہ دھر کی باریک بینی کی کافی تعریف ہوئی۔ لیکن فلم کے ٹائٹل کے اصل خالق وہ نہیں بلکہ ہندی سنیما کے مشہور ہدایتکار اور اداکار ستیش کوشک تھے۔ جی ہاں، آدتیہ نے ’’دُھرندھر‘‘  ٹائٹل کے حقوق ستیش کے خاندان سے خریدے تھے۔
 درحقیقت، اگر آپ نے فلم ’’دُھرندھر‘‘  دیکھی ہو تو اس کے اختتامی کریڈٹ سینز میں ستیش کوشک اور ان کے خاندان کے افراد کے نام شامل کیے گئے ہیں۔ اس کی وجہ یہ تھی کہ ستیش کوشک نے کئی سال پہلے ’’دُھرندھر‘‘ ٹائٹل کے حقوق خریدے تھے اور وہ اس نام پر ایک فلم بنانے والے تھے۔

یہ بھی پڑھئے:سن رائزرس حیدرآباد نے راجستھان رائلز کی جیت کا سلسلہ روکا

بتایا جاتا ہے کہ وہ اس پر اپنا ڈریم پروجیکٹ تیار کر رہے تھے، لیکن اچانک وفات کے باعث ستیش  کوشک  کا یہ خواب ادھورا رہ گیا۔ ستیش کوشک کے انتقال کے بعد ہدایتکار آدتیہ دھر نے ’’دُھرندھر‘‘ ٹائٹل کے حقوق کوشک خاندان سے خرید لیے۔ جس کے لیے ستیش کوشک کی اہلیہ ششی اور بھتیجے نشانت کوشک نے انہیں اجازت دے دی۔ اس طرح  ’’دُھرندھر‘‘ فلم مکمل ہو کر سامنے آئی۔ اس معاملے پر ستیش کے دوست اور اداکار انوپم کھیر نے بھی خوشی کا اظہار کیا۔