• Sat, 29 November, 2025
  • EPAPER

Inquilab Logo Happiest Places to Work

ویر داس کا ممبئی کی خراب فضائی آلودگی پر طنزیہ گانا

Updated: November 29, 2025, 5:55 PM IST | Mumbai

کامیڈین ویر داس نے ممبئی میں بگڑتی ہوئی فضائی آلودگی پر طنزیہ مگر جذباتی انداز میں ایک گانا ریلیز کیا، جس میں انہوں نے شہر کے خراب اے کیو آئی، اسموگ، خشک گلے، تعمیراتی سرگرمیوں اور شہریوں کی روزمرہ مشکلات کو اجاگر کیا۔

Comedian and actor Vir Das. Photo: INN
کامیڈین اور اداکار ویر داس۔ تصویر: آئی این این

کامیڈین اور اداکار ویر داس ہمیشہ اپنے منفرد انداز میں معاشرتی مسائل پر ردعمل کا اظہار کرتے ہیں، کبھی سیدھی بات، کبھی طنز، اور کبھی مزاح کے ساتھ تلخ حقیقتوں کا اظہار۔ اس بار انہوں نے اپنی تخلیقی صلاحیتوں کا رخ ممبئی کی بگڑتی ہوئی فضائی آلودگی کی طرف موڑا اور شہر کے گھنے ’’اسموگ‘‘ پر ایک دل کو چھو لینے والا طنزیہ گانا پیش کیا۔ انسٹاگرام پر شیئر کئے گئے ویڈیو میں ویر نے گٹار کے ساتھ اے کیو آئی، اے کیو آئی، لیٹ می ڈائی‘‘ جیسے جملے گائے، جن میں مزاح کے ساتھ ساتھ ممبئی والوں کو درپیش روزمرہ مسائل کا حقیقی عکس بھی شامل تھا۔ انہوں نے کہا کہ ’’آج صبح بیدار ہوا اور میں نے ہلکی سی سانس لی۔ بخدا یو ںلگا جیسے میں مر گیا ہوں۔ میں نے کہا، بھائی، یہ دھوئیں کی وجہ سے ہے!‘‘
مزید آگے بڑھتے ہوئے انہوں نے شہر کی صبح، گلے میں خراش اور  روزانہ کی تعمیراتی سرگرمیوں پر بھی روشنی ڈالی۔ انہوں نے کہا کہ ’’ہم نظر نہیں آرہا ہے، گلا خشک ہے، بلڈرز ہر روز تعمیر کرتے ہیں۔ کیا ہمیں ۹۰۰۰؍ بی ایچ کے کی ضرورت ہے؟‘‘ ویر داس نے بچوں اور بزرگوں کی مشکلات کو بھی گانے کا حصہ بنایا:اگر آپ کے بچے ایک کمرے میں بند ہیں… دادا جی کہتے ہیں، مجھے مرنے دو بیٹا… یہ دھواں میرا دم گھوٹ رہا ہے۔‘‘ویڈیو کے کیپشن میں انہوں نے لکھا کہ ’’A.Q.I.Y.YAIII! بیدار ہوا، ایک سانس لیا، یہ لکھا۔‘‘

 
 
 
 
 
View this post on Instagram
 
 
 
 
 
 
 
 
 
 
 

A post shared by Vir Das (@virdas)

پالیسی فیصلوں کا مطالبہ
اس سے قبل جمعہ کو ویر داس نے ایک پوسٹ میں کہا تھا کہ ’’بگڑتا ہوا ہوا کا معیار سخت پالیسی فیصلوں کا تقاضا کرتا ہے۔ ہوا سیاسی نہیں، اس لئے اسے بہتر بنانا ممکن ہے۔‘‘ انہوں نے اسی سال فروری میں ایکس پر کہا تھا کہ ’’اگر حکومتیں سخت اقدامات نہ اٹھائیں تو ان کی میراث صرف وہ آلودگی ہوگی جو وہ اپنے شہریوں کو جھیلنے پر مجبور کرتی ہیں۔ کچھ سخت فیصلوں کی ضرورت ہے، جو وقتی طور پر ہمیں ناخوش کر دیں گے، لیکن آخرکار اس کے نتائج فائدہ مند ہوں گے۔‘‘ ایک دن قبل انہوں نے ایک طنزیہ ویڈیو بھی پوسٹ کیا جس میں اسموگ فلٹر کا استعمال کرکے ممبئی کی صبح کو مزید ڈرامائی انداز میں دکھایا گیا۔

ممبئی کی موجودہ فضائی صورتحال
رپورٹس کے مطابق اس ہفتے ممبئی شدید اسموگ کی لپیٹ میں ہے۔ شہر کا ایئر کوالٹی انڈیکس (اے کیو آئی) مسلسل بگڑتے ہوئے ’’انتہائی ناقص‘‘ اور کئی علاقوں میں ’’شدید‘‘ درجے کے قریب پہنچ گیا ہے۔

متعلقہ خبریں

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK