بالی ووڈ کی مشہور شخصیات اپنی سرمایہ کاری کے لیے ہمیشہ خبروں میں رہتی ہیں۔ حال ہی میں نئے اعداد و شمار سامنے آئے ہیں جو ممبئی میں رئیل اسٹیٹ سیکٹر میں نمایاں سرمایہ کاری کو ظاہر کرتے ہیں۔ نومبر ۲۰۲۵ء تک، جائیداد کی۱۲۲۱۹؍ رجسٹریشنز ریکارڈ کی گئیں۔ اسٹامپ ڈیوٹی کی وصولی میں سالانہ ۱۲؍ فیصد اضافہ ہوا ہے اور۱۰۳۸؍ کروڑ روپے تک پہنچ گیا ہے۔ خاص بات یہ ہے کہ یہ پراپرٹی رجسٹریشن صرف عام لوگوں کی نہیں بلکہ بالی ووڈ اسٹارز، سیف علی خان سے لے کر رتیک  روشن تک کی ہے۔تصاویر:آئی این این 

 رتیک روشن :نومبر میں، روشن خاندان نے اندھیری، ممبئی میں دفتر کی کئی جگہیں خریدیں۔  روشن خاندان نے ۳؍ الگ الگ سودوں کے ذریعے۱۷؍ آفس یونٹ خریدے، تقریباً ۵۴؍ کروڑ رئیل اسٹیٹ میں سرمایہ کاری کی۔

سشمیتا سین: جائیداد کے کاغذات اور آئی جی آر کی ویب سائٹ کے مطابق، سشمیتا سین کی والدہ، شبھرا سین نے نومبر۲۰۲۵ء میں ممبئی کے گوریگاؤں ایسٹ میں دو لگژری فلیٹس۸۹ء۱۶؍ کروڑ میں خریدے تھے۔ دونوں اپارٹمنٹس اوبرائے ریئلیٹی کے ایلیسیئن پروجیکٹ میں ہیں۔

عالیہ اور رنبیر : بالی ووڈ کے سب سے پیارے جوڑے، رنبیر کپور اور عالیہ بھٹ نے حال ہی میں اپنی ہاؤس وارمنگ کی تقریب منائی  اور عالیہ نے انسٹاگرام پر تقریب کی خوشی کی تصاویر کا ایک سلسلہ شیئر کیا۔ یہ شاندار بنگلہ پالی ہل، ممبئی میں واقع ہے اور اس کی قیمت تقریباً۲۵۰؍ کروڑ روپے ہے۔

امیتابھ بچن: امیتابھ بچن نے گوریگاؤں ایسٹ، ممبئی میں اپنے دو لگژری اپارٹمنٹس۱۲؍ کروڑ  میں فروخت کیے ہیں۔ دونوں اپارٹمنٹس اوبرائے شاندار عمارت کی ۴۷؍ویں منزل پر واقع ہیں اور ایک دوسرے سے جڑے ہوئے ہیں۔

 پریتی زنٹا :بالی ووڈ اداکارہ نے نومبر میں ممبئی کے پوش باندرہ علاقے  میں اپنا اپارٹمنٹ بیچ دیا۔ انہوں نے یہ اپارٹمنٹ ۰۸ء۱۴؍ کروڑ میں فروخت کیا۔ یہ وہی فلیٹ ہے جس نے اکتوبر ۲۰۲۳ء میں رستم جی گروپ سے ۰۱ء۱۷؍ کروڑ میں خریدا تھا۔

ترپتی ڈمری:نوجوان اداکارہ  نے باندرہ ویسٹ میں کارٹر روڈ پر۱۴؍ کروڑ روپے کا مکان خریدا۔

 نیل نتن مکیش:بالی ووڈ کے اداکار  کے والد چاند ماتھر نے اکتوبر میں ممبئی میں ۳۵ء۱۱؍ کروڑ روپے کا ایک اپارٹمنٹ خریدا۔ یہ اپارٹمنٹ لوئر پریل میں ورلڈ ون لودھا گروپ کا حصہ ہے۔

 جے دیپ اہلاوت: بالی ووڈ کے ویلن اور معروف اداکار  جے دیپ نے ممبئی کے اندھیری علاقے میں ۱۰؍کروڑ روپے کی قیمت میں مکان خریدا ہے۔