کاروں کی دنیا میں جہاں کئی نام مشہور ہیں وہیں بوگاٹی کاروں کا ایک الگ ہی مقام ہے۔ اس کی کاریں عالمی سطح پر کئی لوگوں کا خواب ہوتی ہیں۔وہ دن میں خواب دیکھتے ہیں کہ ایک دن بوگاٹی کی کار خریدیں گے لیکن اس کی کار خریدنا ہر کسی کے بس کی بات نہیں ہوتی۔ 

کیا آپ جانتے ہیں کہ بوگاٹی کاروں کے علاوہ بوگاٹی نام کا ایک اور برانڈ ہے جو کاریں نہیں بلکہ ملبوسات بناتا ہے اور اس کی مصنوعات بھی پوری دنیا میں مشہور ہے اور ہر کوئی اس برانڈ کی مصنوعات بھی خریدنا چاہتا ہے۔ہم جس کی بات کررہے ہیں وہ بوگاٹی فیشن ایک معروف یورپی فیشن برانڈہےجو مردانہ اور زنانہ لباس، جوتے اور لوازمات میں اعلیٰ معیار کے لیے جانا جاتا ہے۔ ۷۵؍سال سےزیادہ عرصے میں بوگاٹی نے یورپی فیشن اسٹائل کو نئی شکل دی ہے۔ خاندانی اقدار کی بنیاد پر اور وژن کے ساتھ ترقی کرتے ہوئے۔ یہ برانڈ جرمنی میں قائم ہوا اور آج عالمی سطح پر پہچانا جاتا ہے۔

بوگاتی فیشن کی بنیاد ۱۹۴۷ءمیں فریڈرک ولہیم برِنکمان نے رکھی۔ یہ برانڈ اب برِنکمان خاندان کی دوسری اور تیسری نسل چلا رہی ہے۔آغاز میں فریڈرک ولہیم برِنکمان نے مردوں اور عورتوں کے کپڑوںسے شروعات کی اور پھر کوٹ اور پتلون کے مجموعوں کی طرف بڑھے۔ تیز رفتار ترقی اور فروخت میں اضافے کے ساتھ کمپنی نے مزید لوگوں کو ملازمت دینا شروع کی۔بوگاتی برانڈ باقاعدہ طور پر۱۹۷۸ءمیںمتعارف کرایا گیا۔۶؍ سال بعدپہلی بوگاتی صارف اشتہاری مہم شروع ہوئی۔ کلاؤس اور ولف گانگ برِنکمان نے اپنے والد کے ساتھ مل کر گروپ کی قیادت سنبھالی۔اسی سال بوگاتی اور گور-ٹیکس کے درمیان پہلا تعاون بھی شروع ہوا۔۱۹۷۸ءمیں بوگاتی نے’سٹی کوٹ‘نامی مردانہ کوٹ متعارف کرایا جو برانڈ کی سب سے مشہور مصنوعات میں سے ایک بن گیا۔

بوگاتی فیشن کا فلسفہ شہری، کیژوئل اور سادہ انداز پر مبنی ہے۔ کمپنی خود کو ایک خاندانی ادارہ قرار دیتی ہے جہاں اتحاد اور یگانگت نہ صرف کارپوریٹ کلچربلکہ برانڈ کی پہچان کا حصہ ہے۔ بوگاتی ایک ساتھی، ایک حقیقی شراکت دار کی حیثیت رکھتا ہے، مستند، عالمی نظریہ رکھنے والا، خوش مزاج اور ہمیشہ پر امید۔بوگاتی کے لیے معیار، پائیداری اور ذمہ داری محض رجحانات نہیں بلکہ عقیدے کا معاملہ ہے۔ وہ فیشن کو ڈیزائن سے لے کر شراکت داری تک مکمل طور پر سوچتے ہیں۔

لباس:بوگاتی مردوں اور عورتوں دونوں کے لیے وسیع کلیکشن پیش کرتا ہے جن میں کوٹ، جیکٹ، سوٹ، شرٹ، پتلون اور کیژوئل لباس شامل ہیں۔

جوتے:بوگاتی کے جوتوں میں بوٹ، اسنیکرز اور لیس والے جوتے شامل ہیں جو ہر موقعے کے لیے موزوں ہیں۔ اعلیٰ معیار کے چمڑے کےجوتے کاروباری لباس کو مکمل کرتے ہیں جبکہ کیژوئل جوتے روزمرہ استعمال کے لیے دستیاب ہیں۔

لوازمات:بوگاتی کے لوازمات میں کندھے کا بیگ، بیک پیک، سوٹ کیس، ٹوائلٹ بیگ اور گھڑیاں شامل ہیں۔

 

 

بوگاتی کے ہندوستانی آپریشنز کا۷۵؍فیصدحصہ آف لائن ریٹیل اسٹورزسے آتا ہے جبکہ آن لائن چینلز ۲۵؍فیصد فروخت میں حصہ دار ہیں۔ آن لائن موجودگی کے لیے برانڈ ٹاٹا کلک لکس(سب سے بڑا آن لائن پارٹنر)،منترا اور آجیو لکس کے ساتھ شراکت داری رکھتا ہے۔بوگاتی شوز ۵۰؍سے زیادہ ممالک میں موجود ہے اور یہ یورپ کے سب سے پسندیدہ جوتوں کے برانڈز میں سے ایک ہے۔

 

 

بوگاتی نے ممبئی میںبوریولی کے اسکائی سٹی مال،میں اپنا پہلا اسٹور کھول کر شہر میں باقاعدہ آمد کا اعلان کیا۔ ایک ہزارمربع فٹ پر محیط یہ اسٹور بوگاتی کی پریمیم یورپی شناخت کو ظاہر کرتا ہے۔ اس کے علاوہ ملاڈ کے اِن آربٹ مال ،گوریگائوں کے اوبرائے مال میں بھی اس کی مصنوعات  دستیاب ہیں۔