اس ویب سیریز کےپہلے سیزن سے کاجول نے او ٹی ٹی کی دنیا میں قدم رکھا تھا، دوسرے سیزن میں کہانی کو صحیح ڈھنگ سے پیش نہیں کیا جاسکا۔

دی ٹرائل ۲(The Trial 2)
اسٹریمنگ ایپ: جیو ہاٹ اسٹار(۶؍ایپی سوڈ)
اسٹار کاسٹ: کاجول، کبرا سیت، جیشو سین گپتا، علی خان، شیبا چڈھا، سہانی جنیجا، گورو پانڈے
ڈائریکٹر: سوپن ورما، امیش بست
رائٹر: جسیکا کھرانہ، کرن این، کرس جارج، بلال خالق، عباس دلال، حسین دلال، سدھارتھ کمار
پروڈیوسر: راجیش چڈھا، اجے دیوگن، دیپک دھر
موسیقار: سنگیت ہلدی پور
سنیماٹوگرافر: منوج سونی
ریٹنگ: ***
معروف اداکارہ کاجول کی پہلی ویب سیریز ’دی ٹرائل‘ کاپہلا سیزن کافی حد تک کامیاب رہا۔ کاجول کو ایک ایسی بیوی کے طور پر بڑے پیمانے پر پیار کیا گیا جو دھوکہ دہی کے باوجود اپنے شوہر کے ساتھ کھڑی رہی، ایک مضبوط ماں جس نے اپنی بیٹیوں کی حفاظت کی، اور ایک وکیل نوونیکا سین گپتا، جو قانونی دنیا میں اپنے قدم جمانے کی کوشش کر رہی تھی۔ اب اس ویب سیریزکا دوسرا سیزن آچکا ہے لیکن اس بار وہ جوش اور سنسنی نظر نہیں آرہی۔ عدالتی کیسز پھیکے ہیں اور سیاسی بیان بازی بھی کھوکھلی لگتی ہے۔ 
کہانی 
مشہور امریکی سیریز ’دی گڈ وائف‘ پر مبنی یہ کہانی پچھلے سیزن سے جاری ہے، جہاں، نویونیکا (کاجول) کی خواہش کے باوجود، اس کے شوہر، راجیو (جشو سین گپتا)، سیاست میں داخل ہوتے ہیں۔ اس سے ان کے تعلقات میں تناؤ پیدا ہوتا ہے جس کا اثر ان کے بچوں پر بھی پڑتا ہے۔ راجیو کی حریف، نارائنی بھولے (سونالی کلکرنی) بھی اس کی زندگی میں داخل ہوتی ہے، جو نویونیکا کی بہترین کوششوں کے باوجود نوونیکا کے خاندان کو سیاست کی دلدل میں گھسیٹتی ہے۔ 
پیشہ ورانہ محاذپر، وشال (علی خان) اب بھی نوونیکا سے محبت کرتے ہیں، جب کہ دھیرج (گورو پانڈے) اس کی مشکلات میں اضافہ کرنے کا کوئی موقع نہیں چھوڑتے۔ دریں اثنا، فرم کا نیا پارٹنر، پرم منجال (کرنویر ورما)، کمپنی کے اندر ہنگامہ کھڑا کر دیتا ہے۔ 
ہدایت کاری
یہ کہانی کاغذ پر ڈرامائی لگ سکتی ہے، لیکن ہدایت کار امیش بشت اسے اسکرین پرپیش کرنے میں ناکام رہتے ہیں۔ جذباتی محاذ پر، راجیو-نیونیکا کے رشتے میں کوئی بڑا اتار چڑھاؤ نہیں ہے، اور نہ ہی وشال کے نیوونیکا کیلئے پہلے کے شدید جذبات دوبارہ سر اٹھاتے ہیں۔ پیشہ ورانہ محاذ پر بھی راجیو اور نارائنی کی سیاسی دشمنی طویل عرصے سے جاری ہے۔ نارائنی جیسے مضبوط کردار کو اچھی طرح سے تیار نہیں کیا گیا ہے۔ اس کے سفر اور پس منظر پر زیادہ توجہ نہیں دی گئی ہے۔ وہ یا تو راجیو کے خلاف تقریریں اور انٹرویو دیتے ہوئے نظر آتی ہیں یا پھر ان کے خلاف سازش کرتی نظر آتی ہیں۔ کمرہ عدالت کا ڈرامہ اس بار بھی کم دکھائی دیتا ہے۔ گزشتہ سیزن کے برعکس، پیچیدہ مقدمات اور وکلاء کے درمیان تیز جرح کا فقدان ہے۔ 
اس ویب سیریز میں صرف ایک بات اچھی ہے کہ محض۶؍ ایپی سوڈ میں کہانی ختم کردی گئی ہے۔ کہانی اتنی بورنگ تھی کہ آپ بھی سوچ میں پڑ جائیں گے کہ اتنے عمدہ اداکاروں کی صلاحیتوں کو اس طرح برباد کیوں کیا گیا۔ کاجول نے نویونیکا کے کردار میں کچھ نیا کرنے کی کوشش کی لیکن کہانی کی وجہ سے کردار میں دم نہیں دکھا سکیں۔ 
کمرہ عدالت کی ترتیب دی گئی کہانی میں کلاسیکل موسیقی جب سننے کو ملتی ہے تو ایسا لگتا ہے جیسے کہ کہانی کا حصہ ہے ہی نہیں۔ دی ٹرائل سیزن۲؍ کے ایپی سوڈ۵؍میں لائیو پرفارمنس شاندار تھی، جس نے کہانی میں کچھ مصالحہ ڈالا۔ پروڈکشن ویلیوزعمدہ ہیں جو امپورٹڈ ڈراموں کا مقابلہ کرتی ہیں۔ جہاں تک سیٹ کا تعلق ہے، وہ کافی اچھےہیں۔ جدیدطرز کے دفتر سے لے کر پرتعیش گھر تک، آپ انہیں بہت پسند کریں گے۔ 
اداکاری
جہاں تک اداکاری کا تعلق ہے، کاجول جیسی تجربہ کار اداکارہ سیریزکی طاقت ہیں۔ کاجول نے ایک بار پھر یقین کے ساتھ نویونیکا کا کردار ادا کیا ہے۔ سونالی کلکرنی، ایک شعلہ بیان سیاست دان کے طور پر، کبھی بھی اپنے کردار سے باز نہیں آتیں۔ شیبا چڈھا جب بھی اسکرین پر نظر آتی ہیں ایک پاور ہاؤس ہے۔ 
جیشو سین گپتا، کبرا سیت، علی خان، اور گورو پانڈے بھی اپنا اثر برقرار رکھتےہیں۔ مجموعی طور پر، اگر آپ نے پچھلا سیزن دیکھا ہے اورنویونیکاکے مزید سفر کو دیکھنا چاہتے ہیں، تو آپ سیریز دیکھ سکتے ہیں، لیکن بہت زیادہ توقع کرنا غیر دانشمندانہ ہوگا۔ 
نتیجہ
اگر آپ نے سیریز کا پہلا سیزن دیکھا ہے اور کاجول کے مداح ہیں، تو آپ اسے ایک بار دیکھ سکتے ہیں۔