پلاسٹک، نان اسٹک یا خراب برتنوں کا روزانہ استعمال کرتے ہوئے ہمیں یہ بھی معلوم نہیں ہوتا کہ یہ آہستہ آہستہ ہمارے کھانے میں ایسے کیمیکل خارج کر رہے ہیں، جو جسم کے لیے چھپا ہوا زہر بن سکتے ہیں

جب خاندان کی صحت کی بات آتی ہے تو ہم اکثر کھانے پینے کی اشیاء کے معیار پر توجہ دیتے ہیں لیکن باورچی خانےمیں استعمال ہونے والے برتنوں اور آلات پر شاذ و نادر ہی توجہ دیتے ہیں جہاں کھانا پکایا جاتا ہے۔ یہ غفلت بعض اوقات بڑی بیماریوں کی وجہ بن جاتی ہے۔ پلاسٹک، نان اسٹک یا خراب برتنوں کا روزانہ استعمال کرتے ہوئے ہمیں یہ بھی معلوم نہیں ہوتا کہ یہ آہستہ آہستہ ہمارے کھانے میں ایسے کیمیکل خارج کر رہے ہیں، جو جسم کے لیے چھپا ہوا زہر بن سکتے ہیں۔
اس بارے میں آگاہی پیدا کرتے ہوئے، معدے کے ماہر ڈاکٹر سوربھ سیٹھی (ایمس، ہارورڈ اور اسٹینفورڈ سے تربیت یافتہ) نے حال ہی میں ایک انسٹاگرام پوسٹ میں باورچی خانے کی کچھ عام اشیاء کی نشاندہی کی ہے جنہیں ہمیں فوری طور پر پھینک دینا چاہیے۔ اگر ایسا نہ کیا جائے تو یہ چیزیں ہارمونل عدم توازن، کینسر اور موٹاپے جیسے سنگین مسائل کا باعث بن سکتی ہیں۔

یہ بھی پڑھئے:ککڑی کھانے کے بعد پانی کیوں نہیں پینا چاہئے؟

پلاسٹک کے کھانا پکانے کے اوزار
اگر چمچ، اسپیٹولا پلاسٹک سے بنے ہیں تو خبردار  رہیں۔ جب زیادہ گرمی کا سامنا ہوتا ہے تو وہ آہستہ آہستہ پگھل جاتے ہیں اور ان میں موجود  بس فینول جیسے نقصان دہ کیمیکل کھانے میں شامل ہونے لگتے ہیں۔ اس سے موٹاپا، ذیابیطس، بلڈ پریشر اور یہاں تک کہ کینسر کا خطرہ بڑھ سکتا ہے۔ بہتر متبادل- اسٹین لیس اسٹیل، سلیکون یا بانس سے بنے برتن استعمال کریں۔ 
پلاسٹک کٹنگ بورڈ
پلاسٹک کے کٹنگ  بورڈ پر بار بار چھری چلانے سے اس میں سے پلاسٹک کے چھوٹے چھوٹے ذرات نکلتے ہیں جو سبزی یا پھل پر چپک جاتے ہیں۔ یہ مائیکرو پلاسٹک جسم میں داخل ہو کر ہارمونل عدم توازن اور سوزش جیسے مسائل پیدا کر سکتے ہیں۔ بہتر متبادل   لکڑی یا شیشے کے کٹنگ بورڈ کا  استعمال کریں۔
خراش والے  اسٹک پین
اگر آپ کے نان اسٹک توے یا پین کی کوٹنگ اتر رہی ہے یا اس پر خراشیں آگئی ہیں تو اسے فوراً ہٹا دیں۔ ان میں موجودپی ایف اے جیسے عناصر کھانا پکاتے وقت ان میں گھل سکتے ہیں اور اس سے بلڈ پریشر، فرٹیلیٹی  اور ہارمون سے متعلق  مسائل بڑھ سکتے ہیں۔ بہتر متبادل کاسٹ آئرن، اسٹیل یا مٹی کے برتن استعمال کریں۔
  مجموعی طور پراگر آپ کے رسوئی گھر  میں موجود روزمرہ کی ان چیزوں کو وقت پر تبدیل نہ کیا جائے تو یہ آپ کے جسم کو سست زہر کی طرح نقصان پہنچا سکتی ہیں۔ آج ہی ان چیزوں پر ایک نظر ڈالیں اور اپنی صحت کو ایک محفوظ اور صحت مند باورچی خانے کا تحفہ دیں۔