بگھارے پائے بنانے کی آسان ترکیب ملاحظہ کیجئے۔

درکار اجزاء: بکرے کے پائے ۴؍ عدد، تیل آدھا کپ، دہی ایک پاؤ، ادرک کا پیسٹ ایک بڑا چمچہ، لہسن کا پیسٹ ۲؍ بڑے چمچے، ہری مرچ ۵؍ عدد، لال مرچ پاؤڈر ڈیڑھ بڑے چمچے، پیاز ۲؍ عدد، نمک حسب ِ ذائقہ، ہلدی ایک چھوٹا چمچہ، گرم مسالہ ایک چھوٹا چمچہ، پانی ۴؍ گلاس۔
بنانے کا طریقہ: سب سے پہلے پائے دھو کر صاف کرلیں اور خشک ہونے کیلئے رکھ دیں۔ اسکے بعد ایک گہری دیگچی میں پائے ڈال کر دہی، ادرک لہسن کا پیسٹ، لال مرچ پاؤڈر، نمک، پیاز، ہلدی اور پانی شامل کرکے چولہے پر رکھ دیں۔ ہلکی آنچ پر ۱۰؍ سے ۱۵؍ منٹ کے لئے چمچہ ہلائیں اور پھر نرم ہونے تک دم پر لگا دیں اور پانی خشک کرلیں۔ اب گرم تیل میں کٹ لگی ہری مرچیں اور گرم مسالہ ڈال کر بگھار تیار کریں اور پائے شامل کر دیں اور اچھی طرح بھونیں۔ اس کے بعد حسب ِ ضرورت پانی ڈال کر شوربہ بنا لیں اور ۱۰؍ منٹ تک پکانے کے بعد چولہے سے ہٹا لیں۔ لیجئے مزیدار بگھارے پائے لطف دوبالا کر دیں گے۔