چنا پلاؤ بنانے کی آسان ترکیب ملاحظہ کیجئے۔

درکار اجزاء: چاول آدھا کلو، اُبلے ہوئے سفید چنے ایک کپ، تیل آدھا کپ، پیاز ایک عدد، سفید ثابت زیرہ ایک چھوٹا چمچہ، ثابت گرم مسالہ ایک بڑا چمچہ، ہری مرچ ۲؍ عدد، ادرک لہسن کا پیسٹ ایک بڑا چمچہ، ٹماٹر ۲؍ عدد، نمک حسب ِ ذائقہ، لال مرچ پسی ہوئی ایک چھوٹا چمچہ، آلو بخارہ ۴؍ عدد، زیرہ پاؤڈر ایک چھوٹا چمچہ، دھنیا پاؤڈر ایک چھوٹا چمچہ، دہی آدھا کپ، ادرک لمبائی میں کٹی ایک چمچہ۔
بنانے کا طریقہ: ایک برتن میں تیل لیں اس میں پیاز، ثابت زیرہ، ثابت گرم مسالہ اور ہری مرچ ڈال کر براؤن ہونے تک فرائی کریں۔ اب اس میں ادرک لہسن کا پیسٹ، ٹماٹر، نمک، لال مرچ پسی ہوئی، آلو بخارہ، زیرہ پاؤڈر، دھنیا پاؤڈر، دہی، اُبلے ہوئے چنے، تھوڑا سا گرم پانی اور ادرک ڈال کر مسالہ بھون لیں۔ اب اس میں چاول کے حساب سے پانی ڈال کر اُبال لیں اور چاول ڈال دیں جب پانی تھوڑا رہ جائے تو دم دے دیں۔ مزیدار چنا پلاؤ تیار ہے۔