چکن نوابی ہانڈی بنانے کی آسان ترکیب ملاحظہ کیجئے۔

درکار اجزاء: چکن بون لیس آدھا کلو، نمک حسب ِ ذائقہ، لہسن کا پیسٹ ایک چھوٹا چمچہ، ادرک کا پیسٹ ایک چھوٹا چمچہ، لیموں کا رس ڈیڑھ بڑے چمچے، بادام، کاجو اور پستہ کا پیسٹ ۳؍ بڑے چمچے، ہری مرچ (چوپ کی ہوئی) ۲؍ عدد، دہی ۵۰؍ گرام، لال مرچ پاؤڈر ایک چھوٹا چمچہ، گرم مسالہ پاؤڈر ایک چھوٹا چمچہ، زیرہ پاؤڈر ایک چھوٹا چمچہ، دھنیا پاؤڈر ایک چھوٹا چمچہ، پیاز (چوپ کی ہوئی) ڈھائی بڑے چمچے، کریم ۳؍ بڑے چمچے، ہرا دھنیا سجانے کیلئے، مکھن ایک بڑا چمچہ، کھانے کا تیل ۴؍ بڑے چمچے، کوئلہ ایک عدد۔
بنانے کا طریقہ: سب سے پہلے ایک برتن میں چکن لیں اور اس میں نمک، لہسن اور ادرک کا پیسٹ، لیموں کا رس، بادام، کاجو اور پستہ کا پیسٹ، ہری مرچ، دہی، لال مرچ پاؤڈر، گرم مسالہ پاؤڈر، زیرہ پاؤڈر اور دھنیا پاؤڈر ڈال کر اچھی طرح ملائیں اور ایک گھنٹے کے لئے فریج میں رکھ دیں۔ اب اس کے بعد ایک کڑھائی میں ایک بڑا چمچہ تیل ڈالیں اور اس میں پیاز اور تیار کی ہوئی چکن ڈال کر ۳؍ سے ۴؍ منٹ کے لئے دَم دے لیں اور پھر دو سے تین منٹ تک اچھی طرح بھون لیں۔ اب اس میں کریم ڈال کر ہرا دھنیا باریک کاٹ کر چھڑک دیں۔ اس کے بعد اس میں مکھن ڈال کر دہکتا کوئلہ رکھیں اور پھر اس کے اوپر ایک بڑا چمچہ تیل یا مکھن ڈال کر ایک سے دو منٹ کا دَم دیں۔ لیجئے مزیدار چکن نوابی ہانڈی تیار ہے، پراٹھے کا تندوری روٹی کے ساتھ نوش فرمائیں۔