کریمی کنافہ بنانے کی آسان ترکیب ملاحظہ کیجئے۔

درکار اجزاء: دودھ آدھا لیٹر، کارن فلور ایک چھوٹا چمچہ، کسٹرڈ پاؤڈر ایک چھوٹا چمچہ، چیز کریم ۲؍ چھوٹے چمچے، شکر حسب ِ ذائقہ، گھی یا مکھن حسب ِ ضرورت، باریک سویاں حسب ِ ضرورت۔
بنانے کا طریقہ: سب سے پہلے دودھ اُبالنے کے لئے رکھ دیں۔ اس دورانیہ میں ایک پیالی میں کارن فلور اور کسٹرڈ پاؤڈر گھول لیں۔ جب دودھ کو اُبال آجائے تو کارن فلور اور کسٹرڈ کا مکسچر ڈال دیں۔ پھر اس میں ۲؍ چھوٹے چمچے چیز کریم اور حسب ِ ذائقہ شکر اچھی طرح ملا لیں اور تھوڑا سا پکا کر چولہا بند کریں اور اسے ٹھنڈا ہونے دیں۔ اب ایک برتن میں گھی یا مکھن ڈال کر اس میں باریک سویاں ڈال کر بھون لیں۔ پھر بیکنگ ٹرے میں آدھی سویاں ڈال کر ٹھنڈا کیا ہوا بیٹر ڈال لیں۔ آخر میں باقی سویاں ڈال کر بیک کر لیں۔ پستہ اور کاجو سے سجا کر ٹھنڈا ہونے کے لئے رکھ دیں۔ لیجئے لذیذ کریمی کنافہ تیار ہے۔