آج بنایئے خاص پکوان ’’زعفرانی شیرخرما۔‘‘ اس کی آسان ترکیب ملاحظہ کیجئے۔

درکار اجزاء: دودھ ڈھائی لیٹر، چینی ایک چوتھائی کپ، کنڈینسڈ ملک ۳؍ بڑے چمچے، گھی ۳؍ بڑے چمچے، سویاں آدھا کپ، زعفران ایک چوتھائی چھوٹا چمچہ، پسے ہوئے چاول ۲؍ بڑے چمچے، کٹے ہوئے بادام ایک تہائی کپ، کٹے ہوئے پستے ایک تہائی کپ، کٹے ہوئے چھوہارے ۴؍ عدد، پسی ہوئی الائچی ۲؍ عدد۔
بنانے کا طریقہ: سب سے پہلے دیگچی میں دودھ، الائچی اور چھوہارے ڈال کر پکائیں۔ پھر اس میں چینی اور کنڈینسڈ ملک شامل کریں۔ دودھ کو دھیمی آنچ پر ۲؍ گھنٹے تک پکائیں۔ پکے ہوئے دودھ میں سے ایک چوتھائی کپ دودھ نکال کر اس میں زعفران ملا کر ۵؍ منٹ کے لئے رکھ دیں۔ فرائنگ پین میں گھی گرم کرکے اس میں سویاں بھون لیں۔ اب دودھ میں سویاں، بادام، پستے، زعفران اور چاول ڈال کر مزید آدھا گھنٹہ پکائیں۔ میوے سے سجا کر پیش کریں۔