حیدرآبادی بوٹی کباب بنانے کی آسان ترکیب ملاحظہ کیجئے۔

درکار اجزاء: ۲۵۰؍ گرام بکرے کا گوشت (ٹکڑوں میں کٹے ہوئے)، آدھا، آدھا چھوٹا چمچہ ادرک لہسن کا پیسٹ، کباب چینی پاؤڈر، لال مرچ پاؤڈر اور کچری پاؤڈر، ایک بڑا چمچہ کچے پپیتے کا پیسٹ، ایک چوتھائی، ایک چوتھائی چھوٹا چمچہ بادیان کا پھول پاؤڈر، الائچی پاؤڈر، دھنیا پاؤڈر، ہری مرچ کٹی ہوئی، شاہ زیرہ پاؤڈر اور کالی مرچ پاؤڈر، ۲؍ ثابت لال مرچ کچلی ہوئی، ۲؍ بڑے چمچے پھینٹی ہوئی دہی، گھی حسب ِ ضرورت، نمک حسب ِ ذائقہ۔
بنانے کا طریقہ: گھی اور گوشت کے ٹکڑے کو چھوڑ کر سارے اجزاء ملا لیں۔ اس آمیزہ کو گوشت کے ٹکڑوں میں شامل کرکے ۲؍ گھنٹے کیلئے رکھ دیں۔ میرینیٹڈ مٹن کو سینک پر لگا کر تندور میں گرل کریں۔ وقفے وقفے سے گوشت کے ٹکڑوإ پر گھی لگا کر برشنگ کریں۔ بوٹی کباب کو پودینے کی چٹنی اور رومالی روٹی کے ساتھ پیش کریں۔