مسالے والے سِری پائے بنانے کی آسان ترکیب ملاحظہ کیجئے۔

درکار اجزاء: بکرے کے پائے ۴؍ عدد، سِری ایک عدد، دہی ایک پاؤ، پیاز ۲؍ عدد، گھی آدھا پاؤ، خشخاش، تل اور کھوپرا دس دس گرام، سفید زیرہ اور خشک دھنیا حسب ِ ضرورت، پسی ہوئی لال مرچ ۱۵؍ گرام، پسی ہوئی ادرک ۱۵؍ گرام، لہسن ۱۵؍ گرام، ہری مرچ ۵؍ عدد، پودینہ اور ہرا دھنیا آدھا آدھا گڈی۔
بنانے کا طریقہ: سِری پائے اور زبان صاف کرکے رکھ لیں۔ اس کے بعد سفید زیرہ، خشک دھنیا، خشخاش، کھوپرا، پسی ہوئی لال مرچ، ادرک اور لہسن کے جوئے سب پانی میں باریک پیس لیں۔ اس مسالے کو پتیلی میں ڈال کر پتیلی کو چولہے پر رکھ دیں اور آنچ خوب تیز کر دیں۔ چند منٹ بعد اس میں پانی ڈال دیں اور مسالے کو اس میں مزید پکنے دیں۔ جب مسالہ بھن جائے تو اس میں دہی ڈال دیں اور چند منٹ کے بعد سِری پائے ڈال کر کفگیر چلائیں اور گلنے کے لئے چولہے پر رہنے دیں۔ جب گل جائیں تو پیاز گھی میں لال کرکے ڈالیں اور جب شوربہ گاڑھا ہوجائے تو ہری مرچ، ہرا دھنیا اور پودینہ کاٹ کر ڈال دیں۔ سالن کو چند منٹ دَم پر رکھنے کے بعد اتار لیں اور کے ساتھ مزہ لیں۔