منٹ لسی بنانے کی آسان ترکیب ملاحظہ کیجئے۔

درکار اجزاء: دہی ۳۰۰؍ گرام، چینی ۲؍ بڑے چمچے، سوکھا پودینہ ایک بڑا چمچہ، بھنا اور پسا ہوا زیرہ ایک چٹکی، آئس کیوب ایک ٹرے، پودینے کے تازہ پتے سجانے کے لئے۔
بنانے کا طریقہ: ایک بلینڈر میں دہی، چینی، سوکھا پودینہ ڈال کر اچھی طرح ملائیں۔ اب تھوڑے سے آئس کیوب ڈال کر بلینڈ کر لیں۔ خیال رہے کہ سب چیزیں اچھی طرح پیس جانی چاہئے۔ اس کے بعد بھنے اور پسے ہوئے زیرے اور تازہ پودینے سے گارنش کریں۔ منٹ لسی کا ذائقہ بڑھانے کے لئے اس میں آدھا چھوٹا چمچہ کالا نمک اور ایک چوتھائی چھوٹا چمچہ چاٹ مسالہ شامل کیا جاسکتا ہے۔