مٹن کڑاہی بنانے کی آسان ترکیب ملاحظہ کیجئے۔

درکار اجزاء: گوشت آدھا کلو، ٹماٹر ۳؍ عدد، تیل آدھا کپ، دہی آدھا کپ، دھنیا آدھی گڈی، ہری مرچ ۴؍ سے ۵؍ عدد، ہلدی ایک چھوٹا چمچہ، ادرک ۲؍ چھوٹے چمچے، لہسن ایک چھوٹا چمچہ، گرم مسالہ پسا ہوا آدھا چھوٹا چمچہ، نمک حسب ضرورت، لال مرچ پسی ہوئی ایک چھوٹا چمچہ۔
بنانے کا طریقہ: ایک برتن میں تھوڑے سے پانی میں گوشت کو اتنا پکائیں کہ پانی خشک ہو جائے۔ پھر اس میں ادرک لہسن کا پیسٹ اور دہی شامل کریں۔ ہلدی، گرم مسالہ، نمک اور لال مرچ ڈال کر مکس کریں۔ ٹماٹر، ہری مرچ اور تھوڑا سا پانی شامل کریں تاکہ مسالا بن جائے اور اسے ڈھانک دیں۔ جب گوشت اچھی طرح سے مسالے میں رچ بس جائے اور تیل اوپر آجائے تو اسی تیل میں گوشت کو تھوڑا سا پکائیں۔ تیار ہونے پر ہرا دھنیا اور ہری مرچ کے ساتھ گارنش کریں۔