مٹن کالی مرچ بنانے کی آسان ترکیب ملاحظہ کیجئے۔

درکار اجزاء: بکرے کا گوشت (ہڈی والا) ایک کلو، پیاز (درمیانی) چھ عدد، تیل ایک کپ سے کم، ادرک لہسن کا پیسٹ ایک بڑا چمچہ، نمک ایک بڑا چمچہ یا حسب ذائقہ، کالی مرچ پسی ہوئی ۲؍ بڑے چمچے یا حسب ذائقہ، ہری مرچ چھوٹی ۱۰؍ سے ۱۲؍ عدد، کارن فلور حسب ِ ضرورت۔
بنانے کا طریقہ: سب سے پہلے درمیانی آنچ پر گرم تیل میں باریک کٹی پیاز بھون لیں۔ سنہری ہوجائے تو گوشت کی بوٹیوں کو دھو کر اس میں ڈال دیں، اس کے ساتھ ادرک لہسن کا پیسٹ اور نمک بھی شامل کر دیں۔ بھون کر پانی حسب ِ ضرورت ڈالیں تاکہ گوشت کافی حد تک گل جائے۔ پھر اس کو بھون کر اس میں آلو چھیل کر موٹے قتلے کاٹ لیں۔ یہ آلو، ہری مرچ (ثابت)، پانی اور کالی مرچ پسی ہوئی شامل کرکے دھیمی آنچ پر پکنے دیں۔ گوشت اور آلو گل جائیں۔ شوربہ کی مقدار جیسی چاہئے تیار کرلیں۔ اگر شوربہ پتلا ہو تو ایک سے ۲؍ چمچے کارن فلور تھوڑے سے پانی میں گھول کر شامل کرلیں۔ تھوڑی دیر دھیمی آنچ پر پکا کر چپاتی یا چاول کے ساتھ پیش کریں۔