پین کیک بنانے کی آسان ترکیب ملاحظہ کیجئے۔

درکار اجزاء: میدہ ایک پیالی، چینی ایک چٹکی، نمک ایک چٹکی، انڈا ایک عدد، دودھ یا پانی ایک پیالی، آئل یا گھی ۴؍ سے ۶؍ بڑے چمچے۔
بنانے کا طریقہ: سب سے پہلے میدے میں نمک ملا کر اچھی طرح چھان لیں۔ دودھ، انڈا شامل کرکے اچھی طرح ملا لیں۔ دھیان رہے مکسچر نہ زیادہ گاڑھا ہو نہ پتلا، اس میں چینی بھی ڈال دیں۔ اب فرائنگ پین کو آئل سے اچھی طرح چکنا کرکے ہلکی آنچ پر گرم کریں۔ پھر درمیانے سائز کی پیالی میں آمیزہ لے کر فرائنگ پین میں ڈالیں۔ ہینڈل پکڑ کر گھماتے رہیں تاکہ آمیزہ برابر آجائے۔ ہلکی آنچ پر پکنے دیں جب کناروں سے چھوڑنے لگے تو صاف برتن میں اتار لیں۔ اس ذائقہ دار پین کیک کو شہد، مختلف قسم کے جام اور شیرے میں پکے تازہ پھل کے ساتھ ناشتے میں پیش کیا جاسکتا ہے۔