آج افطار میں بنایئے خاص پکوان ’’عربی تکے۔‘‘ اس کی آسان ترکیب ملاحظہ کیجئے۔

درکار اجزاء: گوشت آدھا کلو، گھی ۶۰؍ گرام، ادرک ایک چھوٹی گانٹھ، کالی مرچ (پسی ہوئی) ایک چمچ، نمک حسب ذائقہ، لہسن ایک پوتھی۔
بنانے کا طریقہ: گوشت کی چھوٹی چھوٹی بوٹیاں کرلیں۔ نمک اور کالی مرچ ڈال کر مکس کرلیں۔ ادرک اور لہسن کو پیس کر مع نمک کے کالی مرچوں میں ملالیں اور اس مسالے کو بوٹیوں پر اچھی طرح لگائیں۔ آگ پر جالی رکھیں اور بوٹیاں سینک کر پختہ کرلیں۔ اس دوران ان پر گھی ٹپکاتے رہیں۔ تیار ہونے پر چٹنی کے ساتھ پیش کریں۔