اسٹفڈ ایگ بنانے کی آسان ترکیب ملاحظہ کیجئے۔

درکار اجزاء: انڈے ۶؍ عدد (سخت اُبلے)، وہائٹ سوس آدھا کپ، شملہ مرچ ایک عدد (باریک کٹی)، گاجر ایک عدد (باریک کٹی)، کالی مرچ پاؤڈر آدھا چھوٹا چمچہ، نمک آدھا چھوٹا چمچہ، بریڈ کرمز حسب ضرورت، انڈا (کچا) ایک عدد، تیل فرائی کیلئے۔
بنانے کا طریقہ: سب سے پہلے اُبلے انڈوں کے دو حصے کرکے زردی الگ کر لیں۔ اور زردیوں میں وہائٹ سوس، شملہ مرچ، گاجر، نمک اور کالی مرچ پاؤڈر مکس کریں۔ اب انڈے کی سفیدی کو اس مکسچر سے ڈھانپ دیں۔ پہلے انڈے میں ڈپ کریں پھر بریڈ کرمز لگائیں اور فریج میں دس منٹ کیلئے رکھ دیں۔ پھر ڈیپ یا شیلو فرائی کرلیں۔ کیچپ کے ساتھ سرو کریں۔