وہائٹ چکن کڑاہی بنانے کی آسان ترکیب ملاحظہ کیجئے۔

درکار اجزاء: چکن ایک کلو (چھوٹے پیس)، پیاز ۴؍ عدد (باریک کاٹ لیں)، لہسن کا پیسٹ ایک بڑا چمچہ، ادرک ۵۰؍ گرام لمبائی میں کاٹ لیں، ہری مرچ باریک کتری ہوئی ۶؍ سے ۸؍ عدد، پسی ہوئی کالی مرچ ایک چھوٹا چمچہ، سفید زیرہ ایک چھوٹا چمچہ (بھون کر پیس لیں)، پسا ہوا گرم مسالہ ایک چھوٹا چمچہ، ہرا دھنیا باریک کترا ہوا تھوڑا سا، فریش کریم ایک کپ، نمک آدھا چھوٹا چمچہ، کوکنگ آئل ایک کپ۔
بنانے کا طریقہ: کڑاہی میں تیل گرم کرکے چکن اور نمک ڈال کر اچھی طرح مکس کرکے ۵؍ منٹ تک ڈھانپ کر پکائیں۔ اب پیاز، لہسن، کالی مرچ اور زیرہ شامل کرکے مزید ۱۵؍ منٹ پکانے کے بعد ہری مرچ ڈال کر بھونیں تاکہ مرچوں کا ذائقہ چکن میں بس جائے۔ جب چکن تیل چھوڑ دے تو اس میں فریش کریم ڈال کر ۲؍ منٹ پکائیں اور آخر میں ادرک ڈال کر ۲؍ منٹ کیلئے دَم پر رکھ کر اُتار لیں۔ اور ہرا دھنیا چھڑک کر نان اور سلاد کے ساتھ تناول کریں۔ خیال رہے اس ڈش میں پانی بالکل استعمال نہیں کرنا ہے۔