گوگل کمپنی نے گزشتہ ماہ اعلان کیا تھا وہ اس کی ویڈیوکالنگ ایپ گوگل میٹ تمام صارفین کو مفت فراہم کرے گی۔اس وعدہ پر عمل درآمد کرتے ہوئے اسے مفت دستیاب کرادیا گیا ہے اور اب تمام صارفین اسے ڈاؤن لوڈ کرکے اسے استعمال کرسکتے ہیں

گوگل کمپنی نے گزشتہ ماہ اعلان کیا تھا وہ اس کی ویڈیوکالنگ ایپ گوگل میٹ   تمام صارفین کو مفت فراہم کرے گی۔اس وعدہ پر عمل درآمد کرتے ہوئے اسے  مفت دستیاب کرادیا گیا ہے اور  اب تمام صارفین اسے ڈاؤن لوڈ کرکے اسے استعمال کرسکتے ہیں۔۲۹؍ اپریل کو کمپنی نے ایک بلاگ میں اعلان کیا تھا کہ مئی سے گوگل میٹ کو وہ تمام افراد مفت استعمال کرسکیں گے جن کا جی میل اکاؤنٹ ہوگا۔خیال رہے کہ کورونا وائرس کی وبا کے دوران زوم کے صارفین کی تعداد چند ماہ کے دورران ایک کروڑ سے بڑھ کر۲۰؍ کروڑ تک پہنچ گئی اور اس کو دیکھ کر گوگل نے اعلان کیا تھا کہ اس کا پریمیم ویڈیو کانفرنسنگ سافٹ وئیر گوگل میٹ اب ہر ایک کیلئے  مفت ہوگا۔اس سے قبل یہ سافٹ وئیر جی سیوٹ بزنس سروس پیکج کا حصہ تھا جس کیلئے  فی کس ماہانہ۶؍ڈالر ادا کرنے ہوتے ہیں۔مگر اب گوگل میٹ میں سو افراد کی ویڈیو میٹنگ اس کی ویب سائٹ، آئی او ایس یا اینڈرائیڈ پر ممکن ہوگئی ہے۔گوگل کیلنڈر سے بھھی ویڈیو میٹنگ کا آغاز یا اس میں شمولیت ممکن ہوگی، رئیل ٹائم کیپشن اور زوم جیسا ایکسپنڈڈ ٹائل ویو لے آئوٹ استعمال کیا جاسکے گا۔گوگل کے مطابق مفت اکائونٹ میٹنگ کا دورانیہ۶۰؍ منٹ فی فرد ہوگا مگر اس اصول کا اطلاق۳۰؍ ستمبر کے بعد ہوگا۔