سری نگر سے حاجیوں کا پہلا قافلہ آج دہلی کے انٹرنیشنل ایئر پورٹ سے حج کیلئے روانہ ہو گیا ہے۔ دہلی حج کمیٹی کی چیئر پرسن کے مطابق امسال دہلی سے ۱۶؍ ہزار ۵۰۰؍ سے زائد افراد نے حج کیلئے رجسٹر کیا ہے۔ ممبئی سے پہلا قافلہ ۲۶؍ مئی کو روانہ ہوگا۔

حج کیلئے سری نگر سے حاجیوں کا پہلا قافلہ آج مدینہ کیلئے روانہ ہو گیا ہے۔ اے این آئی سےگفتگو کے دوران ایک عازم حج نے کہا کہ ’’ہم خوش نصیب ہیں کہ اللہ نے ہمیں کم عمری میں حج کی سعادت نصیب فرمائی۔ مَیں کشمیر میں امن اور خوشحالی کیلئے دعاگو ہوں گا۔‘‘
یہ قافلہ دہلی کے اندراگاندھی انٹرنیشنل ایئر پورٹ سے روانہ ہوا ہے۔ دہلی حج کمیٹی کی چیئرپرسن کوثر جہاں نے کہا کہ امسال حج کیلئے حاجیوں کی پہلی فلائٹ روانہ ہو چکی ہے۔ یہ فلائٹ ۲۸۵؍ حاجیوں کے ساتھ جمعرات کی صبح ۲؍ بجکر ۲۰؍ منٹ پر روانہ ہوئی۔ میں تمام حجاج کو حج کی مبارک باد دیتی ہوں اور ان کیلئے محفوظ سفر کی دعا کرتی ہوں۔ امسال ۱۶؍ ہزار ۵۰۰؍ حجاج نے دہلی سے حج کیلئے روانہ ہونے کیلئے رجسٹر کیا ہے۔

یہ بھی پڑھئے: ۳؍مہینوں میں ممبئی ٹرانس ہاربرلنک فلائی اوور پر۲۲؍کروڑ روپے ٹول حاصل کیا گیا

اس درمیان راجستھان کےضلع پالی کے حکام نے بتایا کہ ۸۰؍ حجاج کو سعودی عربیہ روانہ کرنے سے قبل انہیں ویکسین دی جائے گی۔ اس ضمن میں ریاستی حج کمیٹی کے چیئر مین محمد ایوب خان نے بتایا کہ امسال حجاج کیلئے تمام انتظامات درست طریقے سے کئے گئے ہیں۔ حجاج کی روانگی سے قبل ان کیلئے پولیو اور انفلوئنزا کے خلاف ویکسین کا انتظام بھی کیا گیا ہے۔ ہم سب نے دیکھا کہ کورونا کی وباء کے دوران ویکسین زندگی بچانے کیلئے کتنی مثبت ثابت ہوئی تھی۔واضح رہے کہ حاجیوں کا پہلا قافلہ ممبئی سے ۲۶؍ مئی کو روانہ ہوگا۔