پرائم ویڈیو ۳؍اپریل ۲۰۲۶ء بروزجمعہ کو پنچایت سیزن وَن کی لانچنگ کے چھ سال مکمل ہونے کا جشن منا رہا ہے۔ پرائم ویڈیو نے اس خاص موقع پر باضابطہ طور پر سیریز کے سب سے زیادہ انتظار کیے جانے والے سیزن ۵؍کی شوٹنگ شروع ہونے کا اعلان کر دیا ہے۔

پرائم ویڈیو ۳؍اپریل ۲۰۲۶ء بروزجمعہ کو پنچایت  سیزن وَن کی لانچنگ کے چھ سال مکمل ہونے کا جشن منا رہا ہے۔ پرائم ویڈیو نے اس خاص موقع پر باضابطہ طور پر سیریز کے سب سے زیادہ انتظار کیے جانے والے سیزن ۵؍کی شوٹنگ شروع ہونے کا اعلان کر دیا ہے۔
۲۰۲۰ءمیں اپنے آغاز کے بعد سے’’پنچایت‘‘ مسلسل انڈیا کی سب سے پسندیدہ سیریز میں سے ایک بنی ہوئی ہے اور ہر سیزن کے ساتھ اس نے لوگوں کے دل جیتے۔ خاص طور پر سیزن ۴؍ نے ناظرین کو اس قدر جوڑے رکھا جیسا پہلے کبھی نہیں دیکھا گیا تھا۔ اپنے پہلے ہی مہینے میں سیزن ۴؍ نے ریکارڈ توڑ کامیابی حاصل کی اور لانچنگ ہفتے کے دوران اس فرنچائز کی تاریخ کی سب سے بڑی اوپننگ دی۔ 
ریلیز کے پہلے ہی دن سیزن۴؍ امریکہ، کنیڈا، آسٹریلیا، برطانیہ عظمیٰ اور یو اے ای سمیت ۴۲؍ سے زیادہ ممالک میں ٹاپ ۱۰؍ٹائٹلز میں ٹرینڈ کر رہا تھا۔ لانچنگ ہفتے کے دوران اسے ہندوستان کے ۹۵؍ فیصد پن کوڈز اور  ۱۸۰؍ سے زیادہ ممالک کے ناظرین نے دیکھا۔ مداحوں کی اسی بے مثال محبت نے نئے سیزن کو لانے کے جوش کو مزید بڑھا دیا ہے، جو ایک بار پھر دلوں کو چھو لینے والی کہانی اور بہترین پرفارمنس کے ساتھ ایک شاندار سفر کا وعدہ کرتا ہے۔

یہ بھی پڑھئے:آبنائے ہرمز کو فوجی کارروائی سے کھولنا غیر حقیقت پسندانہ ہے: ایمانوئل میکرون

سیزن ۴؍ کے اس زبردست کلائمکس کے بعد، مداح بے صبری سے اپنے پسندیدہ پھلیرا میں واپسی کا انتظار کر رہے ہیں۔ پچھلا سیزن وہاں ختم ہوا تھا جہاں سچیو جی (سیکریٹری صاحب) اپنے کیٹ  (کیٹ) رزلٹ کے بعد اپنا اگلا قدم طے کر رہے تھے، منجو دیوی پنچایت انتخابات میں ملی ہار کے دھچکے سے ابھرنے کی کوشش کر رہی تھیں اور پردھان جی اس نتیجے سے پوری طرح ہل کر رہ گئے تھے۔ سیزن ۵؍ اب اسی تناؤ بھرے موڑ سے آگے بڑھنے کے لیے پوری طرح تیار ہے، جس میں پھلیرا اسٹائل کے ہیومر، ڈرامہ اور دل چھو لینے والے لمحات کے ساتھ کئی نئے ٹوئسٹ اور ٹرنز دیکھنے کو ملیں گے۔

یہ بھی پڑھئے:سورو گنگولی کی بایوپک کا نام ’’دادا‘‘ راجکمار راؤ مرکزی کردار میں

`دی وائرل فیور (ٹی وی ایس) کے ذریعے پروڈیوس کی گئی پنچایت سیزن۵؍ کو دیپک کمار مشرا اور چندن کمار نے مل کر کریئیٹ کیا ہے، جسے چندن کمار نے لکھا ہے اور دیپک کمار مشرا نے ڈائریکٹ کیا ہے۔ اس سیزن میں جتیندر کمار، نینا گپتا، رگھوبیر یادو، فیصل ملک، چندن رائے، سانوی کا، درگیش کمار، سنیتا راجوار اور پنکج جھا جیسے مشہور اداکار ایک بار پھر ساتھ نظر آئیں گے۔