غیر ملکی ذرائع ابلاغ کے مطابق سرکاری اعداد و شمار میں بتایا گیا ہے کہ مارچ تا اگست ۱۸؍ہزار سے زائد تارکین وطن کو ٹریفک قوانین کی خلاف ورزی اور دیگر وجوہات کی بنیاد پر کویت سے ڈی پورٹ کیا گیا ہے۔ ۲۰۲۳ء کے ابتدائی۸؍ ماہ میں ٹریفک قوانین کی خلاف ورزی کے درج شدہ معاملات کی تعداد۶ء۲ ملین سے تجاوز کرگئی ہے

کویت کی وزارت داخلہ نے  تارکین وطن کی جانب سے  ٹریفک جرائم سمیت مختلف خلاف ورزیوں پر کریک ڈاؤن کو مزید سخت کرنے کے احکامات جاری کئے ہیں۔غیر ملکی ذرائع ابلاغ کے مطابق سرکاری اعداد و شمار میں بتایا گیا ہے کہ مارچ تا اگست ۱۸؍ہزار  سے زائد تارکین وطن کو ٹریفک قوانین کی خلاف ورزی اور دیگر وجوہات کی بنیاد پر  کویت سے ڈی پورٹ کیا گیا ہے۔۲۰۲۳ءمیں  ابتدائی۸؍ماہ  میں ٹریفک قوانین کی خلاف ورزی کے درج شدہ معاملات کی  تعداد۶ء۲  ملین سے تجاوز کر گئی ہے جن میں تقریباً ۹۵ء۱؍ملین بالواسطہ خلاف ورزیاں تھیں۔ٹریفک آگاہی  محکمے کے سربراہ بریگیڈیئر جنرل نواف الحیان کے مطابق تقریباً ۶؍ ماہ میں  ٹریفک کی سنگین خلاف ورزیوں جیسے تیز رفتاری، ریڈ سگنل توڑنا، ریسنگ، مسافروں کو لے جانے، ون وے میں گاڑی چلانا یا لائسنس کے بغیر ڈرائیونگ کرنے کے سنگین جرائم میں ملوث۱۸۶۸۴؍غیر ملکیوں کو ڈی پورٹ کیا گیا۔انہوں نے مزید کہا کہ پہلے نائب وزیر اعظم اور وزیر داخلہ شیخ طلال الخالد الصباح کی ہدایت پر تمام گورنریٹس میں سیکورٹی فورسز کی تعیناتی، سیکورٹی اہلکاروں کی موجودگی کو یقینی بنانے، ٹریفک منظم کرنے، بھیڑ کم کرنے اور لاپرواہ ڈرائیوروں کوقابو کرنےکیلئے یکم جنوری سے ۳۰؍  اگست  آٹھ ماہ میں ۲۰۳۶۸۳۳ ؍ ٹریفک قوانین کی خلاف وزریوں کے کیس درج کئے گئے ہیں جن میں ۱۴۵۹۸۵۸؍بالواسطہ  اور۶۷۵۴۸۰؍  براہ راست خلاف وزیوں کے معاملات شامل ہیں۔ الحیان نے بتایا کہ جنوری سے اگست۸؍ ماہ کے دوران۱۴۰۵۳؍لائسنس دیگر وجوہات کی بنیاد پر ضبط کئے گئےہیںجبکہ شرائط پر پورا نہ اترنے والے۳۴۷۵۱؍ڈرائیونگ لائسنس غیر ملکیوں سے  واپس لئے گئے۔نواف الحیان نےرسید ڈیوائس کی اہمیت پر زور دیاجو قانون کی خلاف ورزی کرنے والی گاڑیوں کی نگرانی کے امور انجام دیتی ہے۔پولیس کو مطلوب گاڑیاں یا جن گاڑیوں کی انشورنس کی مدت ختم ہو چکی ہے  رسید نامی ڈیوائس گشت کرنے والے افسران کو ان گاڑیوں کی نشاندہی کرنے میں معاون   ہوتی ہے جو فوری طور پر جرمانہ جاری کرتے ہیں اور خلاف ورزی کرنے والے کو سھل ایپلی کیشن پر ۳؍ منٹ کے اندر بھیجتے ہیں۔