ایران کی جنگ، آبنائے ہرمزکی بندش، توانائی کے اداروں کو نقصان اور متعلقہ کشیدگی عالمی اسٹاک مارکیٹس سے بڑے سرمایہ کاری کے حجم کو ختم کر رہی ہیں۔

ایران کی جنگ، آبنائے ہرمزکی بندش، توانائی کے اداروں کو نقصان  اور متعلقہ کشیدگی عالمی اسٹاک مارکیٹس سے بڑے سرمایہ کاری کے حجم کو ختم کر رہی ہیں۔ عالمی اسٹاک مارکیٹس نے امریکی اور اسرائیلی حملے کے آغاز کے بعد ٹریلینز ڈالر کی مارکیٹ کیپٹلائزیشن کھو دی کیونکہ سرمایہ کار تاریخی توانائی کے بحران کے دوران خطرناک اثاثوں سے باہر نکل گئے ہیں۔
علاقائی کشیدگی ۲۸؍ فروری کے بعد بڑھ گئی ہے، جب امریکہ اور اسرائیل نے مشترکہ حملہ کیا اور ایران نے خلیج کے خطے میں توانائی کے پلانٹس کو نشانہ بنانا شروع کیا۔اس کشیدگی کی وجہ سے عالمی مارکیٹس میں غیر یقینی صورتحال پیدا ہوئی، مہنگائی کے خدشات بڑھ گئے اور کموڈیٹیز میں شدید اتار چڑھاؤ آیا۔ تیل کی قیمتوں میں تقریباً ۴۵؍فیصد اضافہ ہوا، جبکہ سونے کی قیمت میں تقریباً ۱۵؍فیصد کمی دیکھنے کو ملی۔

یہ بھی پڑھئے:اسپنرز کے جال میں پھنسی ویسٹ انڈیز کی خاتون ٹیم کی شکست، آسٹریلیا کا سیریز پر قبضہ

بلومبرگ ورلڈ ایکسچینج مارکیٹ کیپٹلائزیشن انڈیکس، جو دنیا کے مختلف اسٹاک مارکیٹس کو شامل کرتا ہے، ایک ماہ کے دوران۵ء۱۵۷؍ ٹریلین سے۱۴۶؍ ٹریلین ڈالرس تک گر گیا یعنی ۵ء۱۱؍ ٹریلین ڈالرس کی کمی ہوئی۔ایس اینڈ پی ۵۰۰؍ میں مارچ میں ۵؍ٹریلین ڈالرس سے زائد نقصان ہوا، جو زیادہ تر امریکی مارکیٹس میں فہرست شدہ کمپنیوں کی نمائندگی کرتا ہے۔ اہم اسٹاک انڈیکسز میں ایک ماہ کے دوران تقریباً ۱۰؍فیصدکی کمی دیکھی گئی۔
   مغربی ایشیا بحران اور روپے میں جاری تیز گراوٹ کی وجہ سے غیر ملکی پورٹ فولیو سرمایہ کاروں (ایف پی آئی) نے مارچ میں اب تک ایکویٹی میں ۱۳ء۱؍لاکھ کروڑ روپے سے زیادہ کی خالص فروخت کی ہے۔
ہندوستانی مارکیٹ کا حال 
 مغربی ایشیا بحران اور روپے میں جاری تیز گراوٹ کی وجہ سے غیر ملکی پورٹ فولیو سرمایہ کاروں (ایف پی آئی) نے مارچ میں اب تک ایکویٹی میں ۱۳ء۱؍لاکھ کروڑ روپے سے زیادہ کی خالص فروخت کی ہے۔ خالص فروخت لگائی گئی پونجی اورنکالی گئی  پونجی کا  فرق ہے۔

یہ بھی پڑھئے:ڈالر کے مقابلے میں روپیہ پہلی بار ۹۵؍ سے تجاوز کر گیا

سینٹرل ڈپازٹری سروسیز کمپنی (سی ڈی ایس ایل) کے اعداد و شمار کے مطابق، ایف پی آئی نے ہندوستانی بازار میں ایکویٹی میں اپنی سرمایہ کاری مارچ میں۱۱۳۸۱۰؍ کروڑ روپے کی کمی کی ہے، جس کا اثر اسٹاک مارکیٹوں پر واضح طور پر نظر آرہا ہے۔ اس سے پہلے کبھی ایک ہی مہینے میں ایکویٹی میں ایف پی آئی سرمایہ کاری میں ایک لاکھ کروڑ روپے سے زیادہ کی گراوٹ درج نہیں کی گئی ہے۔ اب مارچ میں صرف ایک تجارتی دن رہ گیا ہے اور یہ منفی ریکارڈ بننا یقینی ہے۔