پڑوس کی ایک خاتون سے پریشان ضلع بیاول میں ایک نوجوان اپنی بکری کو لے کر پڑوسی کے خلاف شکایت درج کروانے کیلئے پولیس اسٹیشن پہنچ گیا۔

 جلگاؤں : پڑوس کی ایک خاتون سے پریشان ضلع  بیاول میں ایک نوجوان اپنی بکری کو لے کر پڑوسی کے خلاف شکایت درج کروانے کیلئے پولیس اسٹیشن پہنچ گیا۔ پولیس نے اس معاملے کی شکایت تو درج نہیں کی البتہ اس انوکھی شکایت کی وجہ سےیہ واقعہ اس پورے علاقے میں موضوع بحث بن گیا ہے ۔ 
 اطلاع کے مطابق یہاں کھاٹک محلے کا  رہنے والا زبیر شیخ دستگیر کھاٹک  (۲۵؍سال)  اپنی ایک بکر ی  کے ساتھ پولیس اسٹیشن پہنچ گیا اور اپنے پڑوس کی ایک خاتون کے خلاف شکایت درج کرنے کا مطالبہ کرنے لگا ۔زبیرکا کہنا تھا کہ ’’میرے پڑوس کی ایک خاتون میری بکریوں پر  بلاوجہ گرم پانی ڈال دیتی ہے، جس کی وجہ سے میری کئی بکریں مر گئی ہیں۔ آج بھی اس نے ایک بکری پر گرم پانی ڈال دیا ہے۔یہ بے زباں جانور   چونکہ اپنی شکایت نہیں کرسکتے، اسلئے ان کی طرف سے میں یہ شکایت درج کروانے آیا ہوں۔میری شکایت درج کی جائے۔‘‘ بہرحال پولیس اہلکاروں نے اسے سمجھا بجھا کر واپس بھیج دیا۔