شنکر کا یہ بیان ٹیکنالوجی انڈسٹری کے کچھ حصوں میں پہلے سے نظر آنے والے ایک رجحان کی عکاسی کرتا ہے۔ بزنس انسائیڈر نے گزشتہ ماہ رپورٹ کیا تھا کہ ٹیکنالوجی کے میدان کے بانیوں (فاؤنڈرز)، انجینئرز اور سرمایہ کاروں کے ایک چھوٹے گروپ نے ایک ایسے شعبے میں سگریٹ نوشی کو اپنا لیا ہے، اس سے قبل، یہ شعبہ کولڈ پلنجز، سلیپ ٹریکنگ اور پیپٹائڈ ٹریٹمنٹس کیلئے جانا جاتا رہا ہے۔ کچھ لوگوں کیلئے سگریٹ کا وقفہ نیٹ ورکنگ کا ایک موقع ہے؛ جبکہ دوسروں کیلئے یہ ایک روایتی اسٹارٹ اپ فاؤنڈر کے مقابلے زیادہ پرسکون اور غیر روایتی نظر آنے کا ایک طریقہ ہے۔

امریکی سافٹ ویئر کمپنی پلانٹیر (Palantir) کے چیف ٹیکنالوجی آفیسر (سی ٹی او) شیام شنکر نے دعویٰ کیا ہے کہ کچھ اے آئی محققین کو یقین ہے کہ مصنوعی ذہانت (اے آئی) بالآخر کینسر کا علاج دریافت کر لے گی، اپنے اس یقین کا اظہار کرنے کیلئے وہ تمباکو نوشی شروع کر رہے ہیں۔ 

اتوار کو سی بی ایس نیوز کے پروگرام ”فیس دی نیشن“ پر شنکر نے بتایا کہ ”بہت سے اے آئی محققین نے دوسرے محققین کو یہ اشارہ دینے کیلئے تمباکو نوشی شروع کر دی ہے کہ وہ اے آئی پر کتنا زیادہ یقین رکھتے ہیں۔“ انہوں نے اس کی منطق بیان کرتے ہوئے کہا کہ ”مجھے اے آئی پر اس قدر یقین ہے کہ یہ کینسر کا علاج کر لے گی۔ اس لئے میں آپ کو دکھا رہا ہوں کہ میں نے اپنا سب کچھ داؤ پر لگا دیا ہے۔“

شنکر نے کسی محقق کا نام نہیں لیا اور نہ ہی اس دعوے کا کوئی ثبوت پیش کیا۔ واضح رہے کہ سگریٹ نوشی تاحال قابلِ روک تھام بیماریوں اور اموات کی ایک بڑی وجہ بنی ہوئی ہے اور اے آئی کی کسی پیش رفت نے سگریٹ سے جڑے صحت کے خطرات کو ختم نہیں کیا ہے۔

یہ بھی پڑھئے: لانسیٹ کمیشن نے صحت کے ۱۷ تباہ کن خطرات کی نشاندہی کی، ہندوستان پر قائدانہ کردار ادا کرنے پر زور دیا

تاہم شنکر کا یہ بیان ٹیکنالوجی انڈسٹری کے کچھ حصوں میں پہلے سے نظر آنے والے ایک رجحان کی عکاسی کرتا ہے۔ بزنس انسائیڈر نے گزشتہ ماہ رپورٹ کیا تھا کہ ٹیکنالوجی کے میدان کے بانیوں (فاؤنڈرز)، انجینئرز اور سرمایہ کاروں کے ایک چھوٹے گروپ نے ایک ایسے شعبے میں سگریٹ نوشی کو اپنا لیا ہے، اس سے قبل، یہ شعبہ کولڈ پلنجز، سلیپ ٹریکنگ اور پیپٹائڈ ٹریٹمنٹس کیلئے جانا جاتا رہا ہے۔ کچھ لوگوں کیلئے سگریٹ کا وقفہ نیٹ ورکنگ کا ایک موقع ہے؛ جبکہ دوسروں کیلئے یہ ایک روایتی اسٹارٹ اپ فاؤنڈر کے مقابلے زیادہ پرسکون اور غیر روایتی نظر آنے کا ایک طریقہ ہے۔

اے آئی پر یقین رکھنے والے کچھ افراد توقع کرتے ہیں کہ یہ ٹیکنالوجی تمباکو نوشی سے متعلق تمام خطرات کو مکمل طور پر ختم کر دے گی۔ اے آئی ویئر ایبل اسٹارٹ اپ ’فرینڈ‘ (Friend) کے بانی ایوی شیف مین نے اس سے قبل بزنس انسائیڈر کو بتایا تھا کہ ”جب تک آپ کو پھیپھڑوں کا کینسر ہوگا، تب تک ہمارے اے آئی روبوٹس اس کا علاج دریافت کر چکے ہوں گے۔“

یہ بھی پڑھئے: چیٹ جی پی ٹی استعمال کرنا چھوڑ دیا: سیم آلٹمین کا کردار نبھانے کے بعد اینڈریو گارفیلڈ

شنکر نے یہ واقعہ اس وقت بیان کیا جب وہ اے آئی کے گرد سلیکون ویلی کے ”اجتماعی جنون“ (mass psychosis) اور ”سماجی فریب“ (social delusion) پر مبنی رویے پر تنقید کر رہے تھے۔ وہ اے آئی سیفٹی کے حامیوں کے خلاف بھی کھل کر بولتے آئے ہیں اور ان پر آرٹیفیشل جنرل انٹیلیجنس (AGI) کو ”مشین خدا“ سمجھنے کا الزام لگاتے ہیں۔ انسانی دل میں ”خدا کے حجم کے خلاء“ (God-shaped hole) کے فلسفی بلیز پاسکل کے نظریے کا حوالہ دیتے ہوئے شنکر نے کہا کہ سلیکون ویلی میں کچھ لوگ اے جی آئی پر نیم مذہبی یقین کی طرف مائل ہو چکے ہیں۔ انہوں نے کہا کہ ”سلیکون ویلی میں اس ٹیکنالوجی کو بنانے والے ان افراد میں سے بہت سے لوگوں نے اس خلا کو اے جی آئی کے مشین خدا سے بھر دیا ہے۔“