جان ابراہم کی اداکاری سے سجی آنے والی راکیش ماریا بایوپک کے بعد، روہت شیٹی اپنی بے حد مقبول کامیڈی فرنچائز’’گول مال‘‘ کی پانچویں قسط ’’گول مال۵‘‘ کے ساتھ واپسی کے لیے تیار ہیں۔

جان ابراہم کی اداکاری سے سجی آنے والی راکیش ماریا بایوپک کے بعد، روہت شیٹی اپنی بے حد مقبول کامیڈی فرنچائز’’گول مال‘‘ کی پانچویں قسط  ’’گول مال ۵‘‘ کے ساتھ   واپسی کے لیے تیار ہیں۔ اس فلم میں اجے دیوگن، ارشد وارثی، تشار کپور، شریاس تلپڑے اور کنال کیمو ایک بار پھر نظر آئیں گے، اور اب ایک رپورٹ کے مطابق فلم سازوں نے مرکزی ویلن کے کردار کے لیے کسی اور کو نہیں بلکہ اکشے کمارکو شامل کر لیا ہے۔
گول مال ۵؍ میں اکشے کمار ویلن کے کردار میں 
ورائٹی انڈیا کی ایک رپورٹ کے مطابق  روہت شیٹی نے گول مال ۵؍ کو مزید بڑے پیمانے پر بنانے کے لیے اکشے کمار کو مرکزی منفی کردار کے طور پر کاسٹ کیا ہے، جو فلم میں اجے دیوگن، ارشد وارثی اور ان کی ٹیم کے لیے مشکلات پیدا کرتے نظر آئیں گے۔ رپورٹ میں مزید کہا گیا ہے کہ گول مال۵  اسکیل کے لحاظ سے زیادہ بڑی اور دیوانگی کے عنصر میں زیادہ بے باک  ہوگی، جبکہ فرنچائز کی  بنیادی مزاحیہ روح  کو برقرار رکھا جائے گا۔  مزید یہ کہ آنے والی فلم فینٹسی زون میں ہوگی اور فرنچائز کی پچھلی فلموں کی شرارتوں پر مبنی  کہانی سے ہٹ کر ایک نیا رخ اختیار کرے گی۔

یہ بھی پڑھئے:سنیل دت جب انٹرویو لینے پہنچے تو نرگس نے کہا: میرے پاس دس منٹ ہیں

گول مال۵؍ میں اکشے کمار کا ویلن بننا اس بات کا مطلب ہے کہ وہ اب  ہندوستانی سنیما کی چار بڑی کامیڈی فرنچائزز   گول مال، ہاؤس فل، ہیرا پھیری اور ویلکم کا حصہ بن چکے ہیں۔ دلچسپ بات یہ ہے کہ یہ فلم حالیہ دنوں میں اکشے کمار کا دوسرا ویلن کردار بھی ہوگی، اس سے پہلے وہ پریادرشن کی آنے والی فلم  حیوان میں ایک خطرناک قاتل کے کردار میں نظر آئیں گے، جس میں سیف علی خان مرکزی کردار ادا کر رہے ہیں۔

یہ بھی پڑھئے:انڈونیشیا: خواتین حج افسران کا تاریخ کا سب سے بڑا دستہ تعینات کرنے کی تیاری

کیا شرمن جوشی گول مال فرنچائز میں واپسی کریں گے؟ 
ایک اور دلچسپ خبر یہ ہے کہ فرنچائز کے اصل اداکار شرمن جوشی، جو ۲۰۰۶ء میں ’’گول مال: فن ان لمیٹڈ‘‘ میں نظر آئے تھے، ممکنہ طور پر ایک بار پھر اس مداحوں کی پسندیدہ فرنچائز میں واپسی کر سکتے ہیں۔ گول مال ۵ میں واپس آنے والے دیگر اداکاروں میں جانی لیور، سنجے مشرا، مکیش تیواری اور اشونی کالسیکر شامل ہیں تاہم، کرینہ کپور خان کی کاسٹنگ کی ابھی تک تصدیق نہیں ہوئی ہے۔امکان ہے کہ  گول مال  ۵؍ کی شوٹنگ فروری کے آخر تک شروع ہو جائے گی، جبکہ فلم ۲۰۲۷ء کے آغاز میں سنیما گھروں میں ریلیز کی جائے گی۔