ایچ ایس بی سی انڈیا اور ہوروُن انڈیا نے ۱۲؍نومبر ۲۰۲۶ء کو ’ایچ ایس بی سی ہوروُن گلوبل انڈینز لسٹ ۲۰۲۶ء‘ جاری کردی۔ اس فہرست میں ہندوستانی نژاد شخصیات کی قیادت میں کام کرنے والی دنیا کی ۲۰۰؍ سب سے زیادہ مالیت رکھنے والی کمپنیوں کو شامل کیا گیا ہے۔

ایچ ایس بی سی انڈیا اور ہوروُن انڈیا نے ۱۲؍نومبر ۲۰۲۶ء کو ’ایچ ایس بی سی ہوروُن گلوبل انڈینز لسٹ ۲۰۲۶ء‘ جاری کردی۔ اس فہرست میں ہندوستانی نژاد شخصیات کی قیادت میں کام کرنے والی دنیا کی ۲۰۰؍ سب سے زیادہ مالیت رکھنے والی کمپنیوں کو شامل کیا گیا ہے۔ کمپنیوں کی درجہ بندی ان کی مالیت کی بنیاد پر کی گئی ہے۔ اسٹاک مارکیٹ میں درج کمپنیوں کے لیے ان کی بازار میں مجموعی مالیت (مارکیٹ کیپٹلائزیشن) اور غیر درج شدہ کمپنیوں کے لیے ہوروُن ریسرچ کی جانب سے متعین کردہ مالیت کو بنیاد بنایا گیا ہے۔ اس فہرست کے لیے ۲۵؍ جون ۲۰۲۶ء کو آخری تاریخ (کٹ آف ڈیٹ) مقرر کیا گیا تھا۔یہ اس فہرست کا دوسرا ایڈیشن ہے، جس میں عالمی معیشت میں ہندوستانی نژاد افراد اور بیرونِ ملک مقیم ہندوستانیوں کے کردار کو نمایاں کیا گیا ہے۔ 
اس فہرست میں ہندوستان سے باہر ہیڈکوارٹر رکھنے والی ۲۰۰؍ کمپنیوں کے ۲۳۶؍ اہم عہدیداروں کو شامل کیا گیا ہے، جن میں چیف ایگزیکٹیو آفیسرز (سی ای اوز)، منیجنگ ڈائریکٹرز، چیئرپرسنز اور بانی شامل ہیں۔کمپنیوں کی مجموعی مالیت ۱۵؍ ٹریلین ڈالرفہرست میں شامل کمپنیوں کی مجموعی مالیت ۱۵؍ ٹریلین امریکی ڈالر ہے، جو ۲۰۲۴ء میں جاری ہونے والے پہلے ایڈیشن میں درج ۹ء۹؍ ٹریلین ڈالر کے مقابلے میں ۵۳؍ فیصد زیادہ ہے۔ اس مرتبہ فہرست میں جگہ بنانے کے لیے کمپنی کی کم از کم مالیت کی حد بھی دوگنی سے زیادہ بڑھ کر ۲ء۵؍ ارب امریکی ڈالر ہوگئی ہے، جبکہ پہلے ایڈیشن میں یہ حد ۱ء۲؍ ارب ڈالر تھی۔سان فرانسسکو ۴۰؍ شخصیات کی موجودگی کے ساتھ ہندوستانی نژاد عالمی کاروباری رہنماؤں کے پسندیدہ شہروں میں سرفہرست ہے۔
 سافٹ ویئر اور خدمات (Software and Services) اور مالیاتی خدمات (Financial Services) کے شعبوں سے تعلق رکھنے والی مجموعی طور پر ۸۴؍ کمپنیاں اس فہرست میں شامل ہیں۔ فہرست میں شامل شخصیات کی اوسط عمر ۵۵؍ سال ہے، جبکہ اس میں ۱۶؍ خواتین بھی جگہ بنانے میں کامیاب رہی ہیں۔۷۶؍ کمپنیاں پہلی مرتبہ فہرست میں شاملاس سال کی فہرست میں ۷۶؍ کمپنیاں پہلی مرتبہ شامل ہوئی ہیں۔ مجموعی طور پر شامل ۲۰۰؍ کمپنیوں میں سے ۱۲۷؍ اسٹاک مارکیٹ میں درج ہیں، جبکہ ۷۳؍ کمپنیاں نجی ملکیت کی ہیں۔ ان تمام کمپنیوں میں مجموعی طور پر تقریباً ۵۳؍ لاکھ افراد کام کرتے ہیں۔

یہ بھی پڑھئے:یش کی راون کے کردار میں شاندار پرفارمنس پر فلمی دنیا سے بھرپور ستائش

اعداد و شمار کے مطابق ان کمپنیوں نے ۲۰۲۵ء کے دوران ۲ء۵؍ ٹریلین امریکی ڈالر کی آمدنی حاصل کی، جبکہ ان کا مجموعی خالص منافع ۴۱۶؍ ارب امریکی ڈالر رہا۔ یہ اعداد و شمار عالمی کاروبار اور معیشت میں ہندوستانی نژاد قیادت کی بڑھتی ہوئی اہمیت کو ظاہر کرتے ہیں۔سندیپ بتراایچ ایس بی سی انڈیا میں انٹرنیشنل ویلتھ اور پریمیئر بینکنگ کے سربراہ سندیپ بترا نے کہا کہ ’گلوبل انڈیا‘ ان افراد اور صنعتوں کی امنگوں کی کہانی ہے، جو سرحدوں سے آگے بڑھ کر ہندوستان کو دنیا کے ساتھ جوڑ رہے ہیں۔ یہ صرف بیرونِ ملک ہندوستانیوں کی کامیابی کی داستان نہیں، بلکہ اس بات کی بھی عکاسی کرتی ہے کہ عالمی سطح پر قائم ہونے والے یہ روابط ہندوستان اور دنیا دونوں کے لیے نئے مواقع کے دروازے کھول سکتے ہیں۔انہوں نے مزید کہا کہ ایچ ایس بی سی اپنے صارفین کو ان کے بین الاقوامی عزائم پورے کرنے میں مدد فراہم کررہا ہے، ساتھ ہی اس بات کو بھی یقینی بنانے کی کوشش کررہا ہے کہ وہ اپنے ملک ہندوستان سے بھی جڑے رہیں۔

یہ بھی پڑھئے:رضوان اللہ کے پانچ وکٹ ، پاکستان انڈر ۱۹؍ ایشیا کپ کے فائنل میں داخل

ہوروُن انڈیا کے بانی اور چیف ریسرچر انَس رحمان جنید نے کہا کہ عالمی سطح پر کام کرنے والے ہندوستانی نژاد افراد کی رسائی اور اثرات ہماری روزمرہ زندگی میں اس قدر شامل ہوچکے ہیں کہ اکثر ہمیں اس کا احساس بھی نہیں ہوتا۔ انہوں نے مثال دیتے ہوئے کہا کہ جب کوئی شخص گوگل پر معلومات تلاش کرتا ہے، یوٹیوب پر ویڈیو دیکھتا ہے، واٹس ایپ پر پیغام بھیجتا ہے، مائیکروسافٹ ونڈوز پر کام کرتا ہے، فیڈیکس کے ذریعے پارسل بھیجتا ہے یا گھر میں پروکٹر اینڈ گیمبل کی مصنوعات استعمال کرتا ہے تو ان خدمات اور مصنوعات کے پیچھے موجود کمپنیوں کی قیادت ہندوستانی نژاد افراد کے ہاتھوں میں ہے۔
سندر پچائی کی قیادت میں الفابیٹ سرفہرستاس فہرست میں گوگل کی سرپرست کمپنی الفابیٹ (Alphabet) کے سی ای او سندر پچائی سرفہرست ہیں۔ ان کی قیادت میں کمپنی کی مالیت ۴ء۲؍ ٹریلین امریکی ڈالر تک پہنچ گئی ہے۔ یہ کامیابی عالمی ٹیکنالوجی اور کاروباری دنیا میں ہندوستانی نژاد اعلیٰ عہدیداروں کے بڑھتے ہوئے اثر و رسوخ کی ایک نمایاں مثال ہے۔ مجموعی طور پر یہ فہرست اس حقیقت کو اجاگر کرتی ہے کہ ہندوستانی نژاد افراد دنیا کی بڑی ٹیکنالوجی کمپنیوں، مالیاتی اداروں، تجارتی نیٹ ورکس اور دیگر اہم کاروباری شعبوں کی قیادت کرتے ہوئے عالمی معیشت کی سمت متعین کرنے میں اہم کردار ادا کررہے ہیں۔