کے ڈی ایم سی نے ڈومبیولی مشرق میں ہاکروں کیخلاف کارروائی کرتے ہوئے سامان ضبط کیا
گزشتہ روز پھیری والوں نے ایک ایمبولنس ڈرائیور کی انتہائی بے ر حمی سے پٹائی کردی تھی۔ اس معاملے میں رام نگر پولیس نے ۲؍ پھیری والوں کے خلاف کیس در ج کر لیا ہے ۔ دوسری جانب کلیان ڈومبیولی میونسپل کارپوریشن (کے ڈی ایم سی) انتظامیہ نے جمعہ کو ڈومبیولی مشرق میں ہاکروں کے خلاف بڑے پیمانے پر کارروائی کرتے ہوئے ان کا سامان ضبط کیا۔
عموماً دیکھا گیا ہے کہ جب میونسپل انتظامیہ پھیری والوں کیخلاف کارروائی کرتا ہے تو ہاکرس متحد ہو کر سر کاری ملازمین یا شہر یوں کے ساتھ بدتمیزی سے پیش آتے ہیں۔ کلیان اور ڈومبیولی ریلوے اسٹیشنوں کے باہر پچھلے کئی برسوں سے غیر قانونی طور پر کاروبار کر نے والوں کی دادا گیری شروع ہے۔ جمعرات کی رات مد ھو بن ٹاکیز کے پاس اشوک گپتا (۳۱) اور روہت گپتا( ۲۳) نامی ۲؍ پھیری والوں نے ایمبولنس ڈرائیور گنیش مالی کی فٹ پاتھ کے سامنے گاڑی کھڑی کر نے کی پاداش میں پٹائی کردی۔ رام نگر پولیس نے دونوں ملزمین کو گرفتار کر کے تفتیش شروع کردی ہے۔ گزشتہ مہینے کے ڈی ایم سی کے وارڈ آفیسر راجندر سالونکے نے ڈومبیولی ریلوے اسٹیشن کے اطراف غیر قانونی طور پر کاروبار کر نے والوں کے خلاف سخت کارروائی کی تھی جس سے پھیری والے کافی مشتعل ہو گئے تھے۔ گزشتہ روز نوبل اسپتال کے سامنے گنیش مالی نے اپنی ایمبولنس کھڑی کردی تھی جس سے نارا ض ہو کر اشوک گپتا اور روہت گپتا نے اس کی ڈ نڈے سے بے رحمی سے پٹائی کردی۔
رام نگر پولیس کے مطابق میونسپل انتظامیہ پھیری والوں کے خلاف کارروائی کرتا ہے لیکن ۲؍ سے ۳؍ دن کے بعد وہ دوبارہ اسی جگہ پر اپنا کاروبار شروع کردیتے ہیں۔ جب تک میونسپل انتظامیہ کا سامان ضبط کر نے والا عملہ سڑ ک پر موجود رہتا ہے پھیری والے اپنا سامان نہیں لگاتے لیکن جیسے ہی میونسپل ملازمین چلے جاتے ہیں تو پھیری والے سڑ ک کے دونوں کنارے کھڑے ہو کر ٹریفک جام کردیتے ہیں۔
